بيادر حزن,,,,,
:::::::::::::::
هجم بيت الوكت من يغلك الباب,,,
وعليه الهم يسكمه شلون تسكام
وسد شباجه عمداً والروازين,,,,,ومافرزن شنو اليوم من الايام
ماأدري الفرح مربيه لولا,,,,
بليقضه اجاني لو بالاحلام,,,
اتوجه اعل جرحي وماصحت اخ,,وكبالي شماته وحيل ظلٌام
عافتني الرفاكه بلايه اسباب,,,
الوراي الجان يمشي اليوم جدام
عرفتك يازماني وياي خوان,,,اثاريني جنت عايش بالاوهام,,,
حته الي بحتله اسراري غدار
طلع ثاري بعشرته وياي نمام
يعيش وياي جان بعدة اوجوه,,,ولا جني عاشرته اشهور واعوام,,,
كلت ابعدواعيش الغربه للدوم,,
كالولي الدرب مزروع الغام,,,
نويت اعبر بحر هاي المسافات,,بعيوني شفت غركانه ال بلام
عليمن اعتب اني واحجي عالظيم,,,
مسدوده الدروب اليوم مادام,,
اكودن نذري جني كبال العيون,,,والتمت عليهاشكثر كوٌام
يحسدني اليمر حسباله بطران,,,
مايدري اتلهوج من الالام
وي روحي اسولف شده وتزول,,,وتحزمت الزماني بليف ال حزام
غميج الجرح ينزف صارله اسنين,,,
كلت لاباس لمن صاب ال عظام
صبرت اهواي صبري اتعده ال حدود,,,بيادر حزن بيه صارت اجوام
ماظل حيل حته ايشيل الهموم ,,
جزتني الخيل اشوفن بس ال جتام,,,,,,,,غبار الخيل
انادي اصحابي اشوف اتسد الاذان,,,وجف الحبر عندي بكل الاقلام
مايسوه العمر واكظيه تواسيل,,,
وشحيحه الخوه صارت هاي الايام
منو يكدر ينام الليل ويهود,,,,جن باجر الغبشه اتبلغ اعدام
:::::::::::::::::::::::::::::::::::::::::::::::::: :::::::::::::::::::::::::::::::::
بقلم الدغاري
رد مع اقتباس