هنا

[ارجع يازمان]

الدنيا كذبه ابمسرحيه.
انه ماخذ دور صادق _ والكذب تلكونه بيه!
والجنت من عنده واثق_هذا هم كذب عليه!
الناقد ومخرج ومنتج بالكذب كلهم سويه,,
النفاق البي نمثل رايد الكذبه القويه!!
واليصفك هم منافق صفك ابهل مسرحيه!
القناع اللابسينه ايوالم اهواء القضيه!,,
لأن أدوار(المصالح) الها كل الاولويه!!
ممكن اتشوف اليكابح_مَثل ادوار الضحيه!
وممكن اتشوف اليسامح_مَثل ادوار الرديه!
بالنهار احنه حمامه, أبد ما نرضه الأذيه ,
وتالي نتحول ذيابه,, بعد وقت المغربيه !!
لا تكلي البقوا افضل! بالله راويني البقيه!
ممكن أستثنيلي واحد منصف ابهل تسع ميه!
ذاكه من ذاك اليوافي ورفض تزوير الهويه!!
حسين الساعدي