هنا

[ارجع يازمان]

هيبه ولو بالشكل,, المهم لا تنهان!
اشما عشت بالثكل,, تنحسب خوش انسان
وزن كلامك عدل,,من تكعد ابديون
لتجادل ابلا عقل,,تدري العقل ميزان
ماظن يفيد الجدل,, بمجادل الغمان
حي اعله خير العمل,, مشروطه بالأذان
لَمت افعال الأمل,, بمطابق القرأن
معناها عوف الملل,,واسعى ابرضا الرحمن
بالحق يروح الخجل,,ميجامل الأنسان..
اذكر الزينه ابمثل ,, واترك الجنت وجان!
بالك تدَور الزلل,, واسمع بعد يفلان
كاع التطم الفحل,, هم طمت الدفان!
أخوانك اشما حصل,,خلهم الك تيجان
احذر يطول الزعل,,كون السبب نسوان!!
لمن تطش الشمل,, رايح تضل خسران
الحمل ما ينعدل ,, لوما الك خوان,
الحمل ما ينعدل,, بمكاطع الخوان
حسين االساعدي

[سارونه محمد]

جميل جدا

[ارجع يازمان]

جميل جدا

حضوركم اجمل