أهداء للشهيد الصدر,,حسين الساعدي
إهداء الى ابن الزهراء...حبيبي الشهيد الصدر
؛؛؛؛
يلوموني ابهواك و همه مايدرون
انته الروح كلها وكل أمانيها
ياعِصاة موسى الحطمت فرعون
ياراية محمد والبخت بيها
حملات الصميده ابصوت اليوصفون
بيدك رجعتهن نشهد اعليها,
يحسين العصر يامعجزه ابهل كون
الشهاده ما اجت انته الرحت ليها.
غيرة ابو فاضل جانو ايكولون
بس شفناها بيك وانته راعيها.
جان الموت خلسه وحقهم ايسكتون
يدري اليفك حلكه ابحفرة تاليها!
لوما انته اجيت وترفض الملعون
ال كلا اوداعتك ماجبنه طاريها!
ياكشخه وفخر كدام اليكرهون!
ابزودك ما نصت روس التعليها!
مثل ما جُمعتك لَمتهم ايصلون
وايام الاسبوع التفتخر بيها,,
وكعت انه ابغرامك وكعت المفتون!
واذا حُبك منيه ابروحي شاريها
ما خايف جنت من ناس الِيحذرون
الك زود القصايد لمن احجيها
أزورن حيدر اول واخذ المضمون
واحضر روحي للهيبه الالاكيها!
الوادم وصفوني ابلهفة المجنون
للبراني أطب واعيوني اوصيها
اشبعن بالنظر من شوفة المطعون!
قبل لا يندفن والعشره نكضيها!
انه امقصر اوياك الهسه ما مدفون!
رضيت ابدنيا بعدك واعرف اشبيها!
أبجيلك ابماي وما أذب اعيون,,
امقصر ويه عيني وكل بواجيها..
يمحمد اعذرني اهواي الك مديون
لوما انته انه ابغفله كاضيها!
لقاءاتي وياك اتفرح المحزون
وتصاوير الخذتها ابروحي اخليها.
انته العلمتنه اعله الصلاه واشلون
مو كل الجفوف اندنك اعليها!
الك اقوال كدها اعداءك ايسمعون!
الطغات اشما طغت لازم نعاديها!
قدمتلنه جنه ابجفك الميمون
واجم معجزه البسمك نسميها!
ابحق الزهره سامح شاعر ومحزون
وانته الزهره امك بيك أواسيها
انته الزهره امك بيك اواسيها
حسين االساعدي
رد مع اقتباس
المشاركة الأصلية كتبت بواسطة فتاة الهدئ
