قصة حقيقية حدثت معي ..
اتصل عليه الصديق ( محمد الكعبي )
محمد - الو
هلا محمد
محمد - ابو حيدر الساعدي جده توفى
ادري بس بعدني نايم( الساعة ٢ ونص الظهر )
محمد - هسه تروح لو لا ؟
اي اروح مر عليه
وإجاني محمد ورحت وياه بدون ريوك
وصلنا لبيت أبو حيدر
ودخلنا اني ومحمد للجادر سلمنا على الناس
والله بالخير ومشتقات الكعدة و ( جاي )
واني كاعد اتخيل بالغدة
سألت ابو حيدر شمسوين غدة
كال صينيتكم خاصة
ازعل اذا ترحون ( عليمن تزعل بوية ما نروح)
نصبو الميوز
محمد وكف بصفي
جابولنه الصينية
تمن وثريد و٤ قطع لحم
اجه واحد ( متطفل ) وكف كبالنه
محمد ما يعرف ياكل بيده
كلي شلون اريد خاشوكة
كتله تدلل
صحت على ( ابوه لصاحبنا )
كتله خالي هذا صاحبي ما يعرف ياكل بيده
يريد خاشوكة ( الرجال رغم انه ابوه متوفي بس ابتسم )
ومحمد كلي انت من يومك متخاف من الله ( شحجي وياك )
المهم شغلت البوكلن على الصينية
اربع ضربات ( طار نص الصينية ولحمتين )
هذا الواكف كدامي ( شرد)
وتمت عملية طرد المتطفل بنجاح
ذكريات لا تنسى
