ليش النساء تعيش اكثر من الرجال دائما
هذا الموضوع ما يخص الإنسان وبس، لا بأغلب الكائنات الحية تعيش الإناث بشكل عام لمدة أطول من الذكور.
فمثلًا متوسط عمر الاناث البشرية (74.2 سنة)، اما متوسط عمر الذكور (69.8 سنة).
تفسير هذا الفرق بالمتوسط العمري مرتبط غالبًا بعوامل بيئية واجتماعية،
فمثلًا الرجال يشتغل بوظائف وأعمال بيها خطورة أكثر من وظائف وأعمال النساء بالعادة،
والرجال تقل نسبة أهتمامه بصحته كل ما زادت نسبة رجولته، ليش؟ محد يدري.
فرق العمر هذا حسب إحدى الدراسات، اله علاقة بالمادة الوراثية والصبغيات (الكروموسومات)
الموجودة ضمن كل خلية، ووجود زوجين من نفس الكروموسوم الجنسي يلعب دور مهم بطول العمر الافتراضي،
ومثل ما كل احنه نعرف انو الإناث تكون (XX) والذكور (XY).
أما بالنسبة لكم نوع من السمك والطيور والزواحف والحشرات، فعدها نظام مختلف لتحديد الجنس استناداً
على كروموسومات (Z / W)، بحيث تحتوي خلية الذكور على (ZZ)،
أما الإناث (ZW)؛ يعني عكس البشر، وبالتالي الذكور عمرها أطول من الإناث.
باحثين جامعة نيو ساوث ويلز الأسترالية "UNSW" رادوا يعرفون انو هـ النظرية تنطبق
على مجموعة واسعة من الحيوانات لو لا ؟!
جربوا هـ الشي على (229) نوع حي، ودرسوا منو اللّي يعيش أطول [ابو الكروموسومات
المتجانسة مثل ZZ و XX لو الكروموسومات غير المتجانسة مثل XY].
والنتيجة، مثل ما توقعوا …
الكائن اللّي كروموسوماته متجانسة يعيش أطول.
هاي النظرية أسمها "Unguarded X Hypothesis" صح چانت طاشة كلش، بس هاي أول مرة تخضع بيها لدراسة علمية بالتجارب والإدلة.
حسب هاي النظرية، الأفراد اللّي عدهم كروموسومات غير متجانسة مثل (XY) قدرتهم أقل بتوفير الحماية من الجينات الضارة اللّي يحملها كروموسوم (X).
ومن الناحية الثانية اللّي عدهم كروموسومات جنسية متجانسة، فالكروموسوم الثاني يُعتبر وكأنما نسخة
احتياطية ويصير بمكان كرموسوم (X ثاني غير صحي)، وبالتالي يطول عمر الكائن الحي.
مع هـ الشي، النظرية ما تنطبق على كل الأصناف الحية، طبعًا لا بسبب وجود عوامل ثانية ممكن تأثر عـ التباين العمري بين الذكور والإناث.
( رأي دكتورة "زوي زيروكوستاس" مؤلفة الدراسة والمصادر تلگونهن جوه الموضوع )
(زوي زيروكوستاس) مؤلفة الدراسة بجامعة (نيو ساوث ويلز) تگول :
"نظرنا إلى البيانات العمرية للثدييات والطيور والزواحف والأسماك والبرمائيات والعناكب والصراصير والجراد
والخنافس والفراشات والعث وغيرها، ووجدنا أنه ضمن هذه المجموعة الواسعة يميل الجنس الذي لديه كروموسومات
غير متجانسة للموت في وقت أبكر من الجنس الذي لديه كروموسومات متجانسة بنسبة 17.6٪.
"بالنسبة للجنس البشري، فإن الذكور لديهم كروموسومات غير متجانسة XY، لذلك تعيش الإناث لفترة أطول بنسبة 21٪،
أما بالنسبة للطيور والفراشات والعث فإن الإناث لديها كروموسومات غير متجانسة ZW أي أن الذكور تعيش لفترة أطول بنسبة 7٪.
هاي الصورتين تلخص اول 5 اسطر بدقة
وهذا
https://www.fightaging.org/archives/...ale-life-span/
رد مع اقتباس
المشاركة الأصلية كتبت بواسطة راحل مع الايام
... مقال حلوو رغم احس بيه حسد النه ههه
