حرت منين اروح الطرق ملزومه
ندهولي ابوفاضل مو وكت نومه
ـــــــــــــــــــــــــ ـــــــــــــــــــــــــ ــــــــ
حرگو الخيمه يخويه وضاعت اطفـــــــالي
منين ماجيـــــلك اشوفن اجنبي گبـــــــالي
أول مـــره خـويه يبيـــــــّــــن خيــــــــالي

من گد الركض والحرگ ملچـــــــــومه
ندهولي ابوفاضل مو وكت نــــــــومه
ـــــــــــــــــــــــــ ـــــــــــــــــــــــــ ـــــ
مــن گد الركض بالهيمه تعبــــــــــــــانه
وفوگ الضيم كـــــــــــله والله عطشانه
اجمع لــــــــــــــــو اطفّي اخيام حيرانه

اختك بالصحاري خــويه مـــهضومه
ندهولي ابوفاضل مو وكت نـــــومه
ـــــــــــــــــــــــــ ـــــــــــــــــــــــــ ـــــــــــــ
أكعد خويه صحتك مو وكت نومه
حسينك عالـــرمل ومسلّبه اهدومه
خيل عداك خويه غيرت ارســــومه

وچم حافر بحافر داسه بالحومه
ندهولي ابوفاضل مو وكت نومه
ـــــــــــــــــــــــــ ـــــــــــــــــــــــــ ـــــــــــــ
وكت يا نوم و شرّ اعداك سبّانه
إختكم حيّروها، تريـــــد عـــــــــــوّانه
أحشّم بإخوتي و محّد فزع جــــــــانه

ونظرات الشماته اسهام مسمـــــــومه
ندهولي ابوفاضل مو وكت نــــــــومه
ـــــــــــــــــــــــــ ـــــــــــــــــــــــــ ـــــــــــ
ماصدّگ يخويه تعوفني وحيـــــــــــده
عوفه النهر عــــــوفه الماي ماريـــــــده
همت بالليل وحدي وساكنه البـــــــيده

من كثر الخيول الگــــاع ملظــــــــومه
ندهولي ابوفاضل مو وكت نـــــــــومه
ـــــــــــــــــــــــــ ـــــــــــــــــــــــــ ـــــــــــــ
تسألني الفواطم عمنه چـــــــا وينـــــــه
هاي الخيل وصــــــــــــــلت گرّبت لينـه
يزينب خـــــــل يجي العباس حــــامينه

كلّيــــله العزيزه عليـــك مالــــــــــــــومه
ندهولي ابوفاضل مو وكت نــــــــــــومه
ـــــــــــــــــــــــــ ـــــــــــــــــــــــــ ـــــــــــــ
د.أحمد حسين
(أبوعلي النجفي)