المصيبة الـ بالگلب ماينحچن بالطيف،
چـا گتلك فراگك وين تاليّه!
گامن مايوچدن وانته مامرّيت
( بعد ماتاني جيتك خاف الك جيّه )
بسمار و امصنهب محبتک
جیت ادگّه ابنص دليلي
عوّراني و عيّباني
الهسّة نفسي ابصدري مخنوگ
و هوه الریّة النقي، امجيّم!
و حگ عيونك الحلوة لون أدري فلا شاقيتك أصلا
ليش هيچی ویاي انت؟ اشبيك؟
عبوة غيض و بساحة محبتي و خاطري، امتيّم
يخايب ما چنت هالگد ابزیزي و عاطفة امشيّم!
و هسّة اشچم عليك الله الك دزيت؟؟!
انا الما دنّگت عمري،
اعلَى غصنك منجل اتعنّيت
بس ماگص، أبوسك جيت!
علی گد اعیونک الحلوة دمع ودّيت
ومباوس ضوه و فدوات، لجروحك صبر دزيت
عليمن بعدك مغيّم...!؟!
أحمد حسين B.z
رد مع اقتباس