هنا

[Samer]

السلام عليكم

وجدت إنه من المفيد أن اعرض شكل شهادة الـ ITP-TOEFL التي تمنحها مراكز اختبار التوفل العراقية (و عموم مراكز التوفل) .. و هي ليست شهادة في الحقيقة بل تسمى TOEFL ITP Score Report أي إنها غير معترف بها في الجامعات العالمية (مثل الامريكية) .... و لكن هي مفيدة لأغراض التقديم فقط ..و كذلك هي أحد الوثائق المطلوبة لغرض التقديم للدراسات العليا في الجامعات العراقية.

اضغط على الصورة لعرضها كاملة في صفحة مستقلة






كما ترون .. هذه الشهادة لي انا بعد اجتيازي للاختبار في مركز الامتياز في جامعة واسط .. و حصلت على درجة 493 . .. طبعا هي درجة متواضعة .. و لكن عذري إنني لم أكن مستعدا إطلاقا للامتحان .. و كذلك هي تعتبر كافية جدا لاجتياز شرط التقديم للدراسات العليا (الاقسام الهندسية تحتاج إلى 430 و الأقسام الانسانية و العلوم تحتاج إلى 390 حسب ضوابط وزارة التعليم العالي العراقية) ..


المجموع النهائي لدرجة اختبار الـ TOEFL ITP هو نتيجة جمع نتائج الاقسام الثلاثة في الامتحان .. و هي :

• Listening Comprehension
• Structure and & Written Expression
• Reading Comprehension

للمعلومات حول كيفية احتساب درجات التوفل اي تي بي .. يرجى قراءة ملف الـ PDF هذا

http://www.toefl.com.tw/pdf/08%20Understanding.pdf

مواضيع أخرى ذات علاقة
ماهو امتحان التوفل الـ toefl
برنامج التحضير للتوفل (TOEFL Preparation CD)



تحياتي

[Daleen]

بس انتم عدم الامتحان سهل عمي ... ابسط شي الدورة وي الامتحان بـ100 الف دينار
احنة الدورة وي الامتحات تصير 500 الف .. وامتحان 150 الف للــic3
اني شايفتة النوذج من امتحنت اول امتحان وما جبت بس 370 واني محتاجة 390
يعني ما دبرتها

[همس العاشقين]

عفية بيك
اتمنالك التوفيق

[Samer]

بس انتم عدم الامتحان سهل عمي ... ابسط شي الدورة وي الامتحان بـ100 الف دينار
احنة الدورة وي الامتحات تصير 500 الف .. وامتحان 150 الف للــic3
اني شايفتة النوذج من امتحنت اول امتحان وما جبت بس 370 واني محتاجة 390
يعني ما دبرتها

لا .الامتحان مو سهل او صعب .. هي نفس نوع الأسئلة .. و نفس طريقة التصحيح بكل مراكز العراق .. .. الامتحان وحدة بـ 100 الف .. اما الدورة ما اعرف تفاصيل عنها .. عموما هي الدورة مو مفروضة وية الامتحان .. اني دخلت بدون اي دورة .. و يمكن لو مراجع بعد شوية او داخل دورة اكدر ادفعها للـ 550 هع

باعي .. هسة انزل هذا القرص مال التوفل .. و هو الملاذ مالتج بالنسبة للتوفل .. اقريه .. و لا دورة و لا شي بعد

[Samer]

تسلم العزيز همس العاشقين ..منور

[Legend of fall]

you know Oracle , I was thinking about taking this test out of interest only , but was scared to take it ...
now you gave little courage to think about it
and ....Congradulations .......Palju õnne -In Estonian- LOL

[فوبـــيا]

يالله
الأنسة دالين ربما الموسيقى اصبحت بمثابة حاسة الشم لدي لذا عرفتك من خلالها تحياتي لك واتمنى ان تنايل شهادة التفل وقيادة الحاسوب ..انحناءاتي لك / نزار

[PAINTER BASSAM]

الله هيج واخذهه هاي المعزايه شهادة التوفل سامر من الثالث متوسط رحت معهد الفنون الجميله وكملت الاكاديميه فالانكليزي مالتي سالب تحت الصفر واريد اكمل دراسات في مصر بس اله توفل شلوووووووون.
مبروك سامر عالشهاده تستاهل يابطل

[Samer]

بسام .. هذا الموضوع يفيدك

http://www.dorar-aliraq.net/showthread.php?t=12080

و تحتاج هم إلى كتاب و قاموس و جهد و و 3 اشهر و التوفيق من رب العالمين

[Legend of fall]

الله هيج واخذهه هاي المعزايه شهادة التوفل سامر من الثالث متوسط رحت معهد الفنون الجميله وكملت الاكاديميه فالانكليزي مالتي سالب تحت الصفر واريد اكمل دراسات في مصر بس اله توفل شلوووووووون.
مبروك سامر عالشهاده تستاهل يابطل

تريد امتحن بأسمك؟