مامتوالم
:::::::::::
عاتبت وكتي عتب كلش ثجيل,,
كتله شو ناسيني
دون الوادم,,
ماتمرني بلا سبب صاير بخيل,,
يكلي تانيني
لحول القادم,,
ومرت اسنيني وشفت منه القليل,,
عذره اني
اوياك مامتوالم,,
مره مرني الفرح جن عابر سبيل,,
وصل يم بابي
واشو رد نادم,,
جنه يطلب ثار وعنده الدليل,,
نيته يردلي
وعله الشر عازم,,
عله السجه العدله جدمي ومايميل,,
ما اهم بوكتي
ابد مولازم,,
وانه صابر والجسم كلش نحيل,,
شلون اكظي العمر
ربي العالم,,
امرار احس بليل اسري بلا دليل,,
وبدلوك الوكت
اشعر غايم,,
وي الشماته بن امي متشفي الغليل,,
ينشد من الجار
شو ظل سالم,,
صار حفنه اسنين يتعمد يعيل,,
وللاسف وياي
كلش ظالم,,
::::::::::::::::::::::::::::::::
بقلم الدغاري
رد مع اقتباس