غِريب
وَ
كل ليله أحس متغيره الالوان
كل ليله احس بگلبي خسران
كل ليله احس الفات ياكُلني
شبدر مني وصرت مكروه
حتى چفوف اديه تخاف تلزمني
شبدر مني وحلاة سنيني راحت
شبدر مني وضوه عيوني مالاحت
جم دوب الظلام هناك يلحگني
چم دوب الليالي تريد تاكلني؟
الضوه اتحسر عَليه لو مَر
والصدف مايوم لاگني
مريض الليل مااحبه
الذكريات البيه أذني
الجرح لو بالوَجه
چان انشاف بگلبي الجرح
منهو اليعبّرني؟
الاگي روحي بمرايه
اناشِدها تِحل عَني
تعبت وانا اماشيِها
اشِلعت گلبي هلبت تِنشلع مِني
تعبت وانا أكولن صار
نبچي نتهطر ونحتار
روحي وغيري ماالها
لچن چم دوب؟
روحي تفرهدت فدنوب
الوادِم ماتدري شمسوي
اضحك وانا متچوي
اناشِغ لو يمر غروب
هاي الناس تضحكلك اذا وَنيت
واغاني عِدهُم لو يُمُر وَنّي
گالاها الرَحل وماچِذَب مِن گال
"رِضاعَة قواطي وخَيبو ظَني"
لِـ رَفَل
رد مع اقتباس
المشاركة الأصلية كتبت بواسطة أَحاَسِيس مهَـدّوِية ༄❥
