.
لمیت امس غربتي
وظنيتك انـــــــــــــــــــــت الباب ..
تفتحلي زيـــــــج الشمس ..
لو کحلي جاسه اتراب
خطّاف طیف الخلگ
وانه اعله رمشي اغراب
شمرونــــي امس چن نذر
گمره ابطّن سرداب
ما ادری وجهي العلي ..
لو لبسوني انگاب
یا ماي دعبر ولك !
ساجينــــــــــي عرجي ارماد ..
ساجيني بلچي الغصن
يگطرلي عمري الغاب ..
بلچن تغــــــــــــنّي السچچ ..
وبسدهه الگه افیاي
تاخذنــــــــي تربه الوطن
اتصلي فرض الماي ..
ملّيت طوگ الغرب
ماكل حراحيـــــــــــــــــري ..
ويموت بيه النخل
وتفرح عصافیـــــــــري
لا اهلي مثل الاهل
تبچیلي من اذبل
ويصير ثــــوب الگطن
نص روجه امکحل ..
شمدريني طبع البُعد
یشرب سمار الگصص
والیوفي بي ينذل
حسبالي شمعه وخلص
حزني وبعد وشل
بس حزني طيره ويحن
لسطوحي ويندل
_
جاسم الصاکی
رد مع اقتباس
المشاركة الأصلية كتبت بواسطة د.فؤاد المدمي
