بين اشتهي ملاكاك بين الفشلة
مثل العجوز لحنت عل كحله
كظيت عمري شمعة ميلاد
تطفيني ولظحكه عل شفتك تعلئ
وخليت حيلي سنون شايب بجفاك
تصعب عليه لجانت سهله
مثل السهم مطرود من بيتة يعيش
راوتني عشره قوسك شكد ذله
وانته بغلاه اخر رصاص الصياد
شماريد افرط بيك غصبا تغلئ
يغريني شكلك واقترب
طعم جان يبهر لشافه ويغدر ليقربله
ثاري البشر ذاك الزراك لبماي
كلما تقربناله يبهت شكله
بلكوه جنت تذكرك كلمه بطيف
عايش بكيفي وهسه ماعرف الكيف
كاعد بليلك كعده لينطر ظيف
لاشمسك ترد لا نجومك تحله
حسبالي من هديت جفك تغتاظ
بس شفت منك ضحكه ليتسلئ
ثاري ارتباكك مو خجل جان وياي
جان ارتباك الخاين لي بيه خله
محد يحس بلفرصه الاولئ لتضيع
بس ليشوف اصحابه وصلو كبله
تخيل لدنيه لعشت بيهه وشنساك
ظلمه وضوه الغرفه علوجهك كله
لهسه خلي اسمك بين مجموع اسماء
واعصب عيوني وبلعناد اندله
وانته بغلاه اخر رصاص الصياد
شماريد افرط بيك غصبا تغلئ
رد مع اقتباس