قصيدة ما افيدك // للشاعر الكبير عريان سيد خلف //
ما افيدك
يالتعز دمعك ... شلك بدموع عيني .... اتريد ازيدك
لا توصي الناس واتكلف كلب تعبان ... كفارة بريدك
لا تذوب شمعة عشرين ...والعشرين جالزنجيل بيدك
لا تحط نفسك شكص نوجات وانت احجاية العاذل تصيدك
لا تحط كلبك على صوبين كل وصله بكتر واتكول : اريدك
يالشلت كلبي .. او لضمت الخيط .. بجروحه .. اعله جيدك
ما افيدك !
انه راضي ابحالتي او حالك ... عِله ويصعب مناله
مغتر ..او طبعك عوج .. متصلب او يتعِب عداله
انته دمعك بالمثاقيل انشره ...او دمعي اليهل ... محد بحاله
انته عنبر .. وانه صم ادنان وانباع برخص ، محد بحاله
يالسكن وسط الكلب .... وايروك متغاوي ابدلاله
انته فاله .. ركشت ابكلبي .. اولجت نابين .. واكعدها الدهر للجنه اجماله
واصبرت راضي ابعذاب الروح ... والسكته .. اصبحت وياي حاله
يلي جامع بين الطبع ... الذيب .. واوصاف الغزاله
حلو ... او عادات الحلو من كثر ما يغتر .. يحط لوله ابجماله
ماله وكتي اوياي ، ورطني ابعشك جذاب ..... ماله ...؟
شفج .. بس ابدفكه الدمعات ... خلاني عله باله
جالغريج الجرته الخوره ... لغميج الماي ... واتعذر نتاله
يلي جنت وياي .. متساوي السهم ... والوكت حطني .. اوراح شاله
اتنززت روحي .. اوصفت تعرض عن اسمك .. ما تريدك
يالعلي اشفافك تحط ... بسمه او نصل سجين بيدك
يالحسرتي اتونسك ...ومجاذب الحسرات عيدك
ما فيدك ...... ما افيدك
ما افيدك
رد مع اقتباس
المشاركة الأصلية كتبت بواسطة غسان العراقي
