هنا

[ارجع يازمان]

جهالي اجروح تاكل بالمناجيل!!
؛؛؛
اريد اوياك احارب هجمة الليل
تعال استفردن بيه الليالي
؛
الناس اشكثر جرت مواويل
بس موالك الضَل اعله بالي!
؛
جان ابشوفتك يتجدد الحيل
أشوفك فرحه مرسومه ابخيالي
؛
هسه ابغيبتك محتاجه تبديل
هاي الدنيا خربت بالتوالي!
؛
الناس اليمي حسبالك تماثيل
امأيس منهم وابجي اعله حالي
؛
خَيال وطحت بمسابك الخيل
وسووني درب فوك الجرالي!
,
بعد ما عقلي ضَيع بالمواصيل
خليت الوهم يمشي ابدالي!
؛
مرهون العقل عند المخابيل
ماجاي افتهم شنهي البقالي!
؛
تانيت اشكثر بمعاتب الريل
جبت السجه لجله وما اجالي!
؛
المحطه انترست ابدمع التواسيل
وبمجره الدمع صار اتصالي!!
؛
ماضل بس حمد يتراوه بالليل
بدموعه حجي ومدري اشحجالي!
؛
مدري ادموعه لالت بالتفاصيل
مدري السجه بدموعي التلالي!!
؛
حمد كالالي راحت ريحة الهيل
سئلته اشلون؟ جاوب لانفعالي!!
؛
أشم عطاب * وبكلبك مجاتيل !!
اهواي اجروح ماتت بلجرالي!
؛
اذا رايد امساجل بالتراتيل
تساجلني ابجرح كون ارتجالي!
؛
الماضلوا الي ابهزت الغرابيل
ماالهم وقت * حتى ابمجالي!
؛
بعد لا تكعد امتاني المراسيل
الما جاب الأمل صار اتكالي!
؛
احجاية حمد ودموعه التسيل
خلتني اعتز ابضيم الصفالي!
؛
راح ابروحي أقشمربالتعاليل
وما أكولن وفيت وما وفالي!
؛
رجعت اشتغل عد النظرته اتعيل
وما اكول اشتغل جان ابحلالي!
؛
والاعوج ما أكله سوي تعديل
واشغل بالي عللي ما يبالي!!
؛
انه اجروحي جهال اتحب تساهيل
ولو بأصعب لغز* حلن سؤالي!
,
جهالي اجروح تاكل بالمناجيل
إذا كبروا شَوكلهم جَهالي!
اذا كبروا شوكلهم جهالي؟
حسين االساعدي

[مرتضى الطيب]

عاشت الايادي
شعر رؤعه

[احمدالبغدادي]

مشكور عزيزي على الاختياااار

[غسان العراقي]

​اختيار رائع دمت مبدعا

[ارجع يازمان]

عاشت الايادي
شعر رؤعه

وكل الشكر والتقدير لك اخي العزيز مرتضى الطيب
تحياتي

[كبريائي قاهرهم]

شعر جميل
عاشت الايادي على الانتقاء
لا حرمنا القادم من جديدك
ودي واحترامي

[ارجع يازمان]

مشكور عزيزي على الاختياااار

وشكرا لمرورك الاروع اخي رحيم الكعبي
تحياتي

[ارجع يازمان]

​اختيار رائع دمت مبدعا

وشكرا لروعتك اخي الرائع غسان العراقي
تحياتي

[ارجع يازمان]

شعر جميل
عاشت الايادي على الانتقاء
لا حرمنا القادم من جديدك
ودي واحترامي

مرورك اجمل اخي كبريائي
دمت بخير
تحياتي

[ارجع يازمان]

​اختيار رائع دمت مبدعا

حضوركم اجمل