هنا

[مرتضى الطيب]

لا تقفل قفل وتحسبه مامون
اذا ترهم عليه كومة مفاتيح
ولا تتبع اثر بخدود الرمال
اذا چانت مطر ومسودنه الريح
ولا تعاشر بشر وتورجه بسرار
اذا ماي الحياء بگصَّته شحيح
ولتعاتب نخل ماحمَّل عثوگ
خطية النخل برگاب الفلاليح
اذا مركب شله وحَب ايد الگياش
موصوچ النهر صوچ الملاليح
اذا شطك حطب وجروفه نيران
بعد تعتب عليمن علسوابيح؟
اذا جنحك شمع والشمس تتنخاك
موفشله لون ابابها اطيح
واذا كلك خشب وتصيحك النار
شحلاة الدم لون علموقف يسيح
العيد يجي بفرحة يوزع الناس
ونه حصتي التعب مثل المراجيح
من اصابعها يسيل الخير جروان
وتال البوه حصتها المراويح
ملح بعيونهن لا تغفه وتنام
لچن من تحترگ تغفه المصابيح
وعلى الماي العذب ماهادت بيوم
لچن حضن الوصل عيد التماسيح

[كبريائي قاهرهم]

شعر جميل
عاشت الايادي على الانتقاء
لا حرمنا القادم من جديدك
ودي واحترامي

[دمعة يتم]

شكراً أخي ع الطرح

[مرتضى الطيب]

شعر جميل
عاشت الايادي على الانتقاء
لا حرمنا القادم من جديدك
ودي واحترامي

الاجمل مرورك

[مرتضى الطيب]

شكراً أخي ع الطرح

يسلموووو على المرور الجميل