على جناح الحمام اوديلك سلام
ياسبع الدجيل
انه بعيني حلم عطر گبرك اشم
ياسبع الدجيل
--------
حلم وردي بعيني چن دارك أشوفه
كعبه والأملاك تستقبل ضيوفه
يعني كل زاير يجي ورايه بچفوفه
حجه محسوبه اله لمن يطوفه
كعبه حضرتك خيمه رايتك
يا سبع الدجيل
يا هيبة بلد أنوارك مدد
--------
عفت كل غالي وعلى الفطرة اجيتك
وعلى جمر الشوك مشاي اعتنيتك
روحي مثل الطير ملهوفه ألثنيتك
ومن شفت بعيوني يا مولاي بيتك
جنيت بضواك وبنسمة هواك
يا سبع الدجيل
يا باب المراد من رب العباد
--------
جيت أدك بابك أبدمعاتي الجريه
وامسح بدمعي اليهل سور الثنيه
سيدي وعندي أمل هاي المسيه
لو نخيتك تكشف الشده العليه
يلطبعك كريم وتحب اليتيم
يا سبع الدجيل
منهال الوفاء أنت والعطاء
-------
دمعي يحچيلك وضع عشته بحياتي
وضع غير حالتي ولوني وصفاتي
وضع راسم صوره بعيوني المماتي
وضلت الصوره ورسمهه بذكرياتي
صوره مؤلمه بدنيا مضلمه
يا سبع الدجيل
ولولاك الوكت عذبني وضعت
---------
شگد حچولي الناس عنك بالكرامه
وشكثر وصفولي الك شاره وعلامه
وبعد گالولي اليزور ابن الامامه
ياخذ مراده ويرد لهله بسلامه
يم بابك طحت بدموعي صحت
يا سبع الدجيل
ظني ما يخيب وجروحي تطيب
---------
ادري كل زاير يگصدك ما ترده
وأنت تدري بغاية الزاير وگصده
عطر گبرك سيدي الجرحه يشده
واني جيتك حاير وطايح بشده
شايل رايتي يمك غايتي
يا سبع الدجيل
شاراتك بحر بعيون الدهر
-------
بقلمي
الشاعر هاني حماده البلداوي
رد مع اقتباس
