دك الباب ملك الموت
وفتحت الباب طب بسكوت
خنك صوتي وطاح گبالي ضل الصوت
ضحكتي تحولت جثة ولساني جفن
وشفتي تحولت تابوت
وشلت جثة ضحكتي الماتت من سنين
وانا عيوني مكابر وخدي مغيسل
وبعد كافور دمعي يغسل الميتين
اخ يا وحشة عيوني البيها مدفونه صوركم
وجه ابوي ووجه امي ووجه شاعر
مرسوم ب اسطور الدفاتر
واخ يا سكتت لساني الطاح من صاح بأسمكم
وردت أشر بيدي الكم
صار جفي مثل فزاعة حدايق
وعيونكم صارت عصافير وتخاف
وصاح صوت أمي علية يمه لا تنسى الوصية
ومن تنام يمه مد رجليك مدهن مو شرط كد اللحاف
ولا تخاف
العمر رحلة وتنتهي بأخر مطاف
.
م
رد مع اقتباس
