ومضات ..
العشتهن وحدي محد مار بيهن
لذلك لحد يسولف عليهن
أنعم الله اعله الايام شكشفت وجوه
صح اذني بس عاشت اديهن.
..
..
محد يسوه تشكيله
الوادم تدور عثرتك عثرت العاشگ ثگيله
وين نلگه اليفتهمنه الوادم التفهم قليله!
..
..
بعدني أندلك شما تيهت كلشي
بعدني أعگدها بأسمك خطوتي من امشي.
..
..
تعال وياي وضيعني بعطر صوتك
مسني بروس أصابيعك
خل يضوي بسما حزني گمر بلور
يفزز خاطري المكسور.
..
..
وياك إذا ما سولفت من الصمت لا تحذر
مرات مو كل الحچي يلم المشاعر يگدر!
..
..
الرسايل كلهن أنكتبن عليك
وانتَ ذاك الماشفتهن چم ظرف وديت
وعيونك جزتهن وانتَ ذاك الشگگتني وشگگتهن.
