شلونه حب هذا الزمان!!!
جدي گلي شلونه حب هذا الزمان؟
گتله خلهه مجودره لاننفضـــــــح
گلي جدي احجيلي وانطيك الامان
ارد انشط الذاكره لاتنمـــــــسح
گتله جدي من 12 يبدي الغـــرام
وتبتدي الخدمه ويصح المايصــح!!
وذاك عنگود العنب مو عالي جان ؟
هسه غافي بحضنك ايظل للصبح
تبوس خلك ...هو باسك ...عادي صار
اتصير عشره ابينكم بوس وملح
گلي موحب ....گتله حب ...وگلي لا ..
گلي موحب هذا اذا مابي جــــرح
احنه حبينه قبلكم حب شريــــف
البوسه جانت بالعشگ بس للصلح
النحبه نحبه جنه لمستحـــــاه
سر جماله بعفته وقلبه السمح
وجنه نتواصل رغم ماكو اتصـــال
وجنه نتگاطف رسايل عالسطح
رد مع اقتباس
المشاركة الأصلية كتبت بواسطة زهرة اللوتس
