هنا

[Hazim]

بسم الله الرحمن الرحيم
اليوم هو اول درس لدوره تصميم الاستايل للجيل الثالث
وهو تصميم هيدر والفوتور + ان شاء استايل افتراضي من لوحه التحكم
بعد ان عرفنه المقدمه ومتطلبات الدوره

هسه اريد منكم التركيز والتطبيق زين ..... نعست خخخخ

يله نكول بسم اللله الرحمن الرحيم

اول شيء نروح للوحه التحكم الاداره اسفل الصفحه
شوفوا الصوره



وندخل عليه


وبعدين نروح

على الاستايلات والقوالب لانشاء استايل جديد افتراضي
ندخل على التحكم بالاستايللات شوفو الصوره



وبعدين نضغط على اضافه استايل جديد شوفو الصوره




هسه نكتب العنوان اسم الاستايل ابكيفكم
اني خليت دوره حازم العراقي لتصميم الاستايلات
شوفو الصوره




الف مبروك على الاستايل الافتراضي

الان ننتقل الى الفوتوشوب لتصميم الهيدر والفوتور

تابعوا مع كابتن ماجد خخخخخ


الان نذهب الى اعلى الفوشوب من قائمه File ثم New
شوفو الصوره حته انصمم الهيدر




شوفوا المقاسات الي بالصوره



راح يطلع النه نفس هاي الصوره شوفوها




الان نقوم باختيار الوان حسب رغبتنه اني اختاريت اللوان الي بالصوره شوفوها
يعني الاول 1 يكون اغمق من الثاني 2

شوفو الصوره




هسه وبعد ان اختارينه الالوان
الان نملئ العمل مالتنه (الهيدر ) بهاي الاداره شوفو الصوره



او بالاداه الي فوكها مباشره اي وحده

بحيث يصبح العمل بهذا الشكل



الان نضغط على العمل من الزر ctrl +A لتحديد العمل كله نقوم بنسخه من الامر الكيبورد ctrl + c
ونقوم بالضغط بالنفس المكان على الصوره ( الهيدر ) ونضغط على ctrl + V
لكي نقوم بلصق اللير الجديد الذي نسخناه من الصوره الاصلي بحثي يصبح بهذا الشكل
شوفو الطبقات مال اللير الي سويناه



هسه نرتب الطبقه الجديده الي سويناها شوفو شلون سويتاه
ضغطت على زر move tool على اللير الاول الطبقه الاول الي اسمها Layer 1
وصغرت الجوانب شويه من الاطراف شوفو الصوره



ومن فوق والاسفل ايضا انصغر اللير نفسه الي اسمه Layer 1
شوفوا شلون صارت لحد هسه

الاسهم تدل على التصغير الي حصل باليير Layer 1
شوفوها




طبعا حبيت اشوفكم الطبقات اللير الاول والثاني



هسه شويه انخلي الها حدود حته تبيين زين (قصدي على اللير الاول )

حيث نروح للير الاول ونضغط كلك ايمن عليه شوفو الصوره توضح اكثر



هسه راح تطلع نافذه راح نختار منها فقط الي نحتاجه كما مو ضح بالسهم الاحمر
شوفو الصوره ونضغط على stroke ونضع صح



راح يفتخ النه طبقوا نفس الي بالصوره واللون انتو بكيفكم



ونضغط موافق ok

هسه نسوي على الطبقه 1 الاولى الليير الاول نقوم بالضغط في نفس الوقت
على Alt والكلك الايسر لكي نقوم ب نسخ هذا اللير
انسوي منه نسختين وحده انخليها فوق وحده انخليها جوه شوفوالصوره



هسه صار الهيدر بهذا الشكل



هسه نروح الى الفقره المهمه وهي انضيف بعض التاثيرات
وايضا اضافه ازرار مثل الرئيسيه والتسجيل ومكتبي (لوحه تحكم العضو )

هسه الى الزر الموضح بالصوره شوفو



ونرسم ثلاث مربعات مثل ماكلت انضيف الها روابط مثل الرئيسيه والتسجيل وغيرها
شوفو شلون نرسم المربع بصوره جميله


بعد ماسوينه المربع هسه نضغط على الاستايلات الانماط الموجوده عدنها بالفوتوشوب
شوفو اني سويتها ذهبي شوفو



ونضيف منها بعد ثلاث مربعات حته انخلي بيهن الرئيسيه والتسجيل وغيرها
شوفو الصوره انا ضفت اثنين بعد يعني صارن اتلاثه
شوفو الشكل شلون صار



وهسه انضيف للمربعات (نكتب عليهن ) ابكيفكم شتكتبون اكتبوا
اني كتبت عليهن وطبعا من خلال الضغط على الزر
شوفو الايقونه مالت الكتابه



هسه نكتب على المربعات
شوفو الصوره هاي شلون اني سويتها



وهسه بعد احنه وذوقنه في الترتيب واضافه اشياء تجميليه للهيدر

الان اصبح الهيدر بهذا الشكل شوفو شلون اضفت عليه الفرش



والان احفظ العمل بصيغه Jpg

طبعا هذا الهيدر تصميم بسيط فقط لاجل التعلم على صنع الاستايل

================================================== ===========
================================================== =======

هسه نجي انصمم الهيدر
انروح على file ثم new
ونقوم بصنع الهيدر من خلال المقاسات التاليه
وتكدرون تتحكمون بيه
المهم شوفو الصوره والمقاسات



ونضغط على موافق ok

راح يطلع الفوتور هيج
وهسه انسوي عليه تدرج لوني
شوفو الصوره



وهذا هو الناتج



هسه انضيف عليه الكتابه لحغظ الحقوق او اي شيء اخر والتاثيرات كما تعلمنا في الهيدر
شوفو النتاج النهائي مالتي
الي سويته



لتحميل الهيدر والفوتر ملف مفتوح للروئيه بالمرفقات شوفوها

او من هنا


http://www.4shared.com/file/PzxqjwAC/__online.html



وطبعا اشكر الاخ سامر اوراكل لاعطائي برنامج لعمل كل هذه الشروحات
وتعبت ونشف ريكي
واتمنى قبل طرح اي سؤال ان تركزون على الموضوع حته لو تقرونه مرتين او اتلاثه
وطبعا لاتترددون في طرح اي سؤال حتى ولو كان بسيط
تحياتي الكم

الدرس القادم تقطيع الهيدر والفوتور والتوزيع في برنامج الفرونت بيج



ارجو من الاعضاء والزوار عند النقل ذكر المصدر
by :hazem منتديات اصدقاء الكوت

ولا اسامح كل من ينقل دون ذكر المصدر لانه جهد شخصي وتعبت به كثيرا

[Hazim]

لتحميل الدرس على الوورد نسخته حتى اخاف الصور تروح لو فد شيء التحميل بالمرفق
وطبعا نسختها على برنامج الوورد 2010

[Daleen]

حازم اطبق وارجع ... اوكي

[Hazim]

اوكي دالين بانتظار التطبيق
استفادي من المرفقات
تحياتي

[Suzana]

شكرا يا وردة عاشت ايدك
وتقييمي الك

[Daleen]

حازم هذا تطبيقي ماطلع حلو بس طبقت الخطوات وحدة وحدة
حتى الالوان نفسها ...عبالك جاي انقل عليك هههههههههههههه
شوفة وانطيني رايك.... بس مو ترسبني






ما هتميت بالناحية الجمالية بقدر اهتمامي بتطبق الخطوات حرفيا ...

[Hazim]

ممتاز دالين
تطبيق رائع ومميز لكن المربعات مال الرئيسيه والمدونه والتسجيل حاولي تخلينها
وحده فوك الثانيه او بمكان واحد لان بعد ورانه تقطيع وتوزيع بالفرونت بيج
تطبيق جديد انطيج من عشره بس اتلاثه خخخخخ
تحياتي

[Daleen]

ممتاز دالين
تطبيق رائع ومميز لكن المربعات مال الرئيسيه والمدونه والتسجيل حاولي تخلينها
وحده فوك الثانيه او بمكان واحد لان بعد ورانه تقطيع وتوزيع بالفرونت بيج
تطبيق جديد انطيج من عشره بس اتلاثه خخخخخ
تحياتي

لالالالالالالالالالالالا معناها راسبة
بس اكو خطوة يراد تفصلها اكثر لان صار مرتين اعيد التطبيق واكف بيها
وترى ظليت ارهم وحدي بس طلعت بنفس النتيجة

هسه نسوي على الطبقه 1 الاولى الليير الاول نقوم بالضغط في نفس الوقت
على Alt والكلك الايسر لكي نقوم ب نسخ هذا اللير
انسوي منه نسختين وحده انخليها فوق وحده انخليها جوه شوفوالصوره

هذه حازم ... ما جاي تنسخ عندي الليرات.. وما اعرف ليش رغم تطبيقي الحرفي
بس استخدمت طرقي الخاصة وجبت نفس النتيجة

[Hazim]

اوك شوفي دالين هذا الشرح المفصل

نفتح صفحه جديده للهيدر بنفس المقاسات

هسه شنسوي عليها شوفي

شوفي هذا اللير الاصلي شلونه اسمه Background

شوفي هذا اللير الاصلي



هسه شنسوي عليه اندوس دبل كلك ايسر على هذا اللير والي اسمه Background

شوفي شلون راح تطلع نافذه الصغيره هاي الي تغيير الطبقه من Background الى




انخليه نفس الاسم ونظغط على ok


بعد ماسوينه التدرج على الهيدر وصار بهذا الناتج شوفي




هسه شوفي اندوس من الكيبوره على ctrl + A لتحديد كل العمل (الهيدر )

شوفي شلون حددته




هسه نضغط على ctrl + c لنسخ التحديد الي سويناه على اللير المسمى Layer 0

وبعدين بنفس المكان نضغط على ctrl + V للصق العمل

شوفي بعد النسخ واللصق شلون صار عدنه للير جديد ثاني





او بطريقه اخرى



من حددنه العمل الاول بهاي الصوره شوفي




هسه انروح من اعلى البرنامج من خلال الضغط على Edit





وبنفس المكان الي حددناه نروح من نفس القائمه وندوس لصق paste
شوفي



ويصبح لدينا طبقتان من اللير
واصبح هكذا



وهسه اضغطي على اداه Move tool كما في الصوره




اتمنى كان توضيحي لسؤالج واضح
تحياتي

[Daleen]

اني استخدمت هيج شي من اشتغلت ويمكن انت شفت النتيجة كانت زينة نوعا ما
بس المفروض من البداية تشرحها بهذا التفصيل لان اني عندي دراية بامور الفوتوشوب
غيري ما يعرف الكثير ويجهل الكثير من الاوامر ... شكرا جزيلا حازم
واتمنى ان اكون تلميذة مريحة مو متعبة