احد اقاربي ارسلت لي على الخاص هذه الرسالة.. تطلب أن أشير عليها برأي.. فأحببت أن استطلع رايكم ومشورتكم.. قبل أن أرد عليها بالرأي المناسب لمساعدتها في محنتها.. شاكرا تجاوبكم.. وسعة صدوركم أحبتي... أخوة.. وأخوات.. تبدأ سرد قصتها كالاتي:
((اليوم الحنة مال زوجي مرتين أتصل جيبي الجهال وتعالي ساعة أكول أروح وأسوي نفسي ممهتمة وساعة أكول أروح أسويلة زفة محترمة أفضحة فضيحة وأطلع قهر روحي كلة بوجههم وساعة أكول أبقى ماأروح بنتي تگول ماما ألبسي وأتكشخي وأتمكيجي وروحي خليهم يفتحون حلگهم سويها عناد خلي الناس تعرف مابيج قصرة وهذني هجمن بيتنا
الحجي بيناتنا تقريباً أتقبلت السالفة يعني شريد أسوي تعبت أريد أرتاح سلمتهم بيد الله هو ياخذ حقي ومتأكدة راح يتندم ويرجع وبوقتها يكون أنتقامي منة وأريد الله ياخذ حقي من أمة وأختة هنة اللي هجمن بيتي سنين شلتهن بالصلوات رحت يمهم طفلة طلعت عجوز من القهر كلت على شنو أقهر نفسي وسهرانة والتفكير يموت بية يومية أرجع الحياتي ودوامي وأطفالي وأعتبرة ميت كل عمري 33 بعدني بعز شبابي على شنو گظيتها بچي ونوح الية الله مراح يتركني
بس أريد أعرف آرائكم أروح لو لا؟ أخاف أروح وأتندم وأخاف ماأروح وهم أتندم اللي مثل موقفي شسويتي واللي صاير گدامها هيج موقف شلون صارت السالفة؟))..
رد مع اقتباس
المشاركة الأصلية كتبت بواسطة Suzana
