كلبي جاهل ليش علمته عليك
وليش علمته الونين من الزغر
وليش كلما يعتني بروحه يريدك
يرجع مدنك ذليل ومنكسر
ليش بعيونك جمال الكون كله
وقسوة الجلاد وسياط الكفر
يلي ربك بالحسن سواك آية
وماكو مثلك لا ملاك ولا بشر
وبختي الاسود بيك خلاني اهيم
وانته ماترحم بشر كلشي خسر
ضيعت عمري عله عيونك ادور
وانته نسمة صيف مرت عالزغر
لا لكيتك حته اعيش بنص عيونك
ولا نسيتك حته اعود من الصفر
وهاي تاليتي بغيابك من اذكرك
مثل عاشك خلص عمره ويحتضر
لا اتوب وارجة جنه من الاله
ولا لكيتك وانته جنتي بهالعمر
وهذا حضي بتالي عمري وراح اموت
بين حسراتي ودموعي والقهر
عيني تفتر بين كل حروف حبك
وترجع بحسرة تباوع عالصور
كلبي جاهل ليش علمته عليك
ومارحمته وراح كل عمري هدر
بقلمي
قحطان جويد السعيدي البزوني
رد مع اقتباس
