(المتاهة )
الجزء الأول
الحلقة السابعه
رغم احباطي الكبير من كل شيء ، ولكني أشعر أني انتصر يوما بعد يوم على ثقافة المجتمع الجديد ، استطعت المقاومه ولهذا اليوم على أن لا اعطي مبادئي، وادنس معاملتي بالأخطاء ...
صديقي :- الو ... سلام عليكم اشونك خويه ، اقره واضحك من اشوف منشوراتك، وعرفت انته بدائرة رقم 1 , ههههههه .
انا :- حياك الله استاذ اشونك اخبارك ، مشتاقلك من زمان ما سامع اخبارك .. اي والله يا خويه بدائرة رقم 1 هههههه .
( صديقي كان مسؤول في هذه الدائرة شنت عليه حمله اعلاميه كبيره لتسقيطه وانا متاكد انها غير واقعيه ، لاني اعرفه واعرف نفسيته ) .
صديقي :- خويه اولاد الحرام غطو على اولاد الحلال ، واني راح ادزك على ابن حلال صديقي بهاي الدائرة ، انسان شريف لا يلمس الحرام ولا ينتمي له .
انا:- رحم الله والديك يخوي ، اني وصلت إلى مرحلة الياس ، اتصل عليه ، واني راح اروحله .
صديقي :- تمام اني راح اتصل عليه ، وانت روح عليه .
انا :- تمام ، في امان الله.
( بين مصدق ، و بين مكذب لاتصال صديقي ، لم أرى في طريقي هكذا مواصفات تحدث عنها )
وصلت إلى باب غرفة صديق صديقي ....
انا:- السلام عليكم استاد .
صديق صديقي :- اهلا استاذ وعليكم السلام ورحمة الله، انطيني معاملتك اشوفه .
انا :- تفضل استاذ .
صديق صديقي :- هاي شنو مابيه شي اصلا ، لعد ليش هاي العرقله .
مايكون خاطرك آله طيب .
( ما هذا، هذا الرجل يتمتع بكل صفات الرجولة والنبل، والدفء بحديثه ومعالم وجهه التي توحي إلى الثقه بالنفس )
صديق صديقي :- كوم استاذ وياي، نروح نشوف وين العله.
( طبعا هوه يعرف اين الخلل ، ولكن لكثرة حيائه وخجله واخلاقه العاليه ، لا يستطيع أن يتكلم عن زملاء عمله ، فهو يعرف ما يدور وما يحاك من مؤامرات )
صديق صديقي يسأل الموظف المسؤول عن عرقلة المعامله ...
صديق صديقي:- استاد شبيه هاي المعامله ليش ما توقع .
( ارتبك الموظف ولا يعرف أن يجيبه ، فهذا موظف شريف ولا يقبل بقبح أفعالهم )
الموظف :- استاذ، لا سهله خلي يجي باجر بس اتاكد من شي خارج الدائره .
صديق صديقي :- لا هسه اتاكد أو وقع هسه .
الموظف :- صار استاذ.
(طبعا انا منبهر لكل ما يحدث ، ماذا يجري بحق السماء ، إلى أين وصلنا )
ولكن يوجد توقيعات كثيره احتاجها، هل يعقل أن يبقى معي هذا الرجل، ايترك عمله ، وعمله صعب جدا، ويشغل نفسه معي .
انا :- شكرا استاد تعبتك وياي والله، بس هذا اول الطريق الباقي اشون .
صديق صديقي :- اطمئن استاذ ، سوف أبقى اراقب المعامله إلى أن تنتهي .
( صدمت في اليوم الثاني ، أن الوحوش، تحاوشت صديق صديقي، لأنه كان يرفض وحشيتهم، ويهين ما تبقى من كرامتهم المسلوبه ، فلم يعجبهم بقائه في هكذا مكانه)
( الان عرفت اني تماما في وسط الغابه )
اتصلت به في اليوم التالي ، اطمئن عليه ، و صدمتي بهذا الخبر اللعين....
انا :- الو ... اشونك استاد ، سمعت خبر ان حظرتك طلعت من مكانك ، طبعا انت راح ترتاح والناس راح تخسر ، واني مؤمن بالي اكوله.
صديق صديقي:- والله استاذ خليني ارتاح، ما اكدر اقاوم بعد وسط هاي الذئاب . بس خلي ابالك اني على وعدي وياك، إلى أن تخلص معاملتك.
( يوم الذي اكتشف به من يملك الانسانيه ، تاكله الوحوش، وعلى مرأى ومسمع الجميع، اي أياما تنتظرنا في هذا الجحيم ، واي ظلام دامس يحيط بنا ..........
يتبع .........
رد مع اقتباس
المشاركة الأصلية كتبت بواسطة صفاء العامري
