ما أشتل بعد عيني أعله شاطي الخوف
السفينه بمرسه غيري وليش أتانيهه
عمه المنجل ولك كد ما حصدت جروح
شفادتني عشرتك وين تاليهه
على ضهري الشمس زرعتهن الجويات
وأنه أزرع في ألك روحك وأغطيهه
جدم ماي أعله كاعك دست تعطش خاف
كل خطوه نهر تسكيك أوصيهه
تعبانه السمه وجفوفي تعبانات
السمه من تنجفي بيا جف ألاكيهه
على خد الهوه الدخان صطره موت
أذا ورده أيبست والنار توليهه
بعيونك دفو وأحلامي بردانات
تحط عثره السهر كلما أوديهه
كبل هم أمنت دليت ناس هواي
وراي أعله الدرب بلضلمه أمشيهه
عدد كل المشت خلت أثر طعنات
بضهري وما تبت ولهسه أدليهه
ليش أتعبه سيفك لو عطش مر بيه
ركبتي بحلك سيفك دم أبديهه
يلمحني الجفوف أمن ألضوه أمن مشيت
وأنه جفوفي بجرح فركاك أحنيهه
يبرد واهسي شما يهز روحي الشوك
ويخنكني الهضم والهفه أجويهه
على درب الندم رديت شايل غيض
بكثر ما عيني مهضومه أبواجيهه
يلعذارك نده بيه العتب صحراء
كاتلها العطش ياكطره ترويهه
للشاعر
مظهر الزبيدي
رد مع اقتباس
المشاركة الأصلية كتبت بواسطة نوارس الياسري
