شدهة والدٌه
<<<<<<
اشكثر لحظة غيابك تشده البال,,
شدهة والده
وغركان ابنهه,,
تدور بالشواطي بذيج الاحوال,,
ولا لحظه التمر
طبكت جفنهه,,
هجي اني عليك مدوهن وظال,,
وروحي اهموم
يمعود ملنهه,,
عيني مولحت فركاك من طال,,
لان دم مو دمع
كتت مزنهه,,
ونيني اعليك صدك صار موال,,
لهب نيران
بلمهجه وجونهه,,
ردتك بس تمرني وترحم الحال,,
وتسمع ولك
وناتي من اونهه,,
من اسولف قصتي والوادم اشكال,,
مثل تصبح ولك
طارف لسنهه,,
العشك مثل المنيه ايمر عالاجيال,,
سنٌه بهل الحياة
وهذا فنهه,,
تبقه ذكرياتك بين الاطلال,,
اسرار وي النبض
كلبي دفنهه,,
مرطبع المحبه ايصير جتال ,,
هداب عيون
ياما شيبنهه,,
المثل مو بس عليه هذا ينكال,,
عشك تالي العمر
لهواي جنهه,,
,,,,,,,,,,,,,,,,,,,,,,,,,,,,,,,,,
بقلمـ الدغاري
رد مع اقتباس
المشاركة الأصلية كتبت بواسطة ألـــيــــنــآ
