هنا

[غسان الكرعاوي]

وأذا تزرع بشر لتشوفه مشتول


وأحصد بالأدب مو بالمناجل


درس خلاني عايش عمري مكتول


وأضهر للحقيقه بثوب كاتل


كَبل جتفي وطن ومحمل اجبال


هسه الشايل أثكل وامشي مايل


طلع اكبر حجم من الشضايات


تمثال الرصافي بصدري خاتل


وكت صاير نجف وعراق تابوت


وجثه بنصه ممتده الأرامل


جاعت هالأرض وحلوكَهه كَبور


رخص لحم العراقي وبينه تاكل


أنهض ياوطن مو صرنه فرهود


نزرع بالجنان ونار ناكل


بالوفر تطب ماتلكه الآثار


بالجامات خلو حته بابل


بدولاب الهوه وحدك فروك


الفارغ فوكَ يصعد وانته نازل


بعد عندك زلم تتنفس الموت


وتشكَ وجه الشمس لمن تقاتل


غيرتنه اتبنت ويه الحياطين


ومن نوكَع تهد النه المنازل


شكَول وغيرتك طافت بالأطيوف


بما لا يعقل احجي وانه عاقل


انه بعيني شفت من طارت الكَاع


تشيل احجار وتطير البلابل


انه الشايل طموح إيجيب النجوم


كتبو فوكَ كَصتي أنسان فاشل


عراقي و مو عراقي شلون ماجان


مو لبطون تطلكَني الزلازل


اخوي آنه الشهيد الضحه للكَاع


وأمي الاكَته بدمع وهلاهل


وابوي الشال بعيونه الدواوين


لذلك لو بجه توكَع مراجل


شوكت يرجع الأمان ونوعدك بيه


من المهدي يضهر للمقاتل

[كبريائي قاهرهم]

الله الله
ابداع اراه يتجسد في
هذه الحروف التي امتعت ناظري
بقرائتها
لا حرمنا القادم من جديدك
ودي واحترامي

[بـاران]

جميل جدا