عصبي ..
اجه لزوجته كللها اليوم راح اسولفلج قصة غريبة، ..بس ما راح تصدكيها لان حيل غريبة و راح تكليلي جذاب، بس اني مو جذاب انتي اللي جذابة انتي و اهلج يا وكحة يا ما تستحين .. روحي انتي طالق هع
عصبي ..
راح يصارح وحدة، .. جرها من ايدها و اخذها على صفحة بدون ما يحجي وكللها .. اني اول ما شفتج انعجبت بيج، و اذا انتي مو عمية اكيد لاحظتي، و إذا مو غبية اكيد انتبهتي ، و اذا عندج ذرة احساس جان حسيتي بيه .. و مو تكليلي افكر و اردلك خبر لا .. هسة قرري و كولي اني موافقة، و علويش مفكرة .. شنو ما عاجبج عيني ؟ اني اسوى راسج افتهمتي ؟ هو اني صوجي اجيت اصلا وصارحتج .. امشي ولي منا
عصبي ..
فتح مطعم علك لافته جبيره وكتب بيهه (الي يحب يتفضل يسمم خل يجي يتزقنب، والي مسوي رجيم يطبه مرض عسى مااكل خفة وراحة والميعجبه يجي خل ياكل قزرقط ابيتهم ، صوجي اني اللي مفتح مطعم و مكبر راسكم اذا ما عزلته للمطعم و (طوووط) ابوكم لابو اللي يفتح مطعم بعد
عصبي ..
فتح منتدى .. كتب القوانين
1- روحي لعبانة ..لذلك حاول تسجل باسم مفهوم وواضح .. و اذا ما عجبني احظرك رأسا
2- اي رد او مشاركة حتى لو ما بيها شي اغلق الموضوع و اللي يعترض اكسر راسه
3- حاول تقلل من دخولك او الافضل ما تدخل علمود تقلل الحمل عل سيرفر و تسمح لغيرك يدخل مو اني ادفع فلوس و انته حضرتك عل جاهز جاي تتونس براسي
4- اذا نشرت موضوع مكرر ابتلي بيك و بعشيرتك لابو منين ما طلعت
5- اقتراحات ما اريد .. شنو كالولك برلمان لو منتدى ، اقبل اللي موجود ما يعجبك الباب يوسع جمل
6- اللي يفك حلكه وية عضو اطروو بيدي اربع وصل (استعارة من صدام)
7- بقسم الترفيه ماكو ضحك .. اللي يضحك اكسر سنونة و اللي يبتسم بوكس على حلكه .. واذا كلش ردت تعبر عن الضحكة مسموح بحرف (هاء) واحد،
8- ما اريد كلمات انكليزية لان ما بيه حيل اترجم وراك .. فحاول تبيع فيكاتك هاي بغير مكان
9- اصلا الاحسن من هسة تشوفنا عرض جتافك و تشوفلك غير منتدى .. تر روحي جزت منك و من سوالفك الغبر
تحياتنا للعصبيين عاااااااااااااا
رد مع اقتباس
المشاركة الأصلية كتبت بواسطة بـاران
.. نوررررررررررررررت 
