اني نازح
والجرح وياي نازح
اني اعرف وين رايح
وهوه مدري الوين رايح
من مدينة .............
بيهه صوت الموت أذان
بيهه موجودة التقالد القديمة
وخالية من الاقحوان
حازم ايامي الخوالي
ومتجه نحو الفراغ
لبتساماتي
ادور عن ضمان
عن قبيلة تختلف
عن القبائل
يشيل لعابة طفلهه
مايشيل حجارة تعويذت بلابل
عن مدينه من ثلج
عن عيون من ثلج
عن شوارع
معشش العصفور بيهه
وماشي بيه الزيزفون
على اجتاف الطرقات
ماشي ادورعن حياة
النقيض الهه الحياة
عن غصن زيتون
اذا طخه النسيم
عيون ماتبجي نده
عن وليد أمه
ماتدفع ضريبه
دم شريف بمولده
عن جباه موسمر
عن شفاه تطيح جلمته تمر
عن جبين ...........
من يغيم مستحه يوكع نهر
وتشرق بوجه البراء
ويطلع بخده الكمر
على خيمة تصيرلي
من الدنية منفه
بين نهر شفافه وشفافي
حبل الوصل لهفه
مااريد يصير جود .
خاف اروح اطلب
حياة ومااعود
ارد اعيش بلاقيود
غيم ومرافك نوارس
كافي احس بدرب روحي
تفوت كل نسمة ضعن
ارد احس بنفاسي واهس
باص رايح للمدارس
ارد اعيش بأختياري
ارد اموت بأختياري
ارد اغني بدون ناي
بصوت تغريد الكناري
بالحن روجات الغدير
للوصيفه لالبنت الشيخ
لابت الامير
ارد اطير وللتقاليد القديمة
مااريد ابقه اسير
رد مع اقتباس
