عتب عراقي
............
من حك اليحب ويريد عنوان
يعاتب والعتب مرات جارح
يتمنه لحبيبه تاج واركان
وفه وطيب ومحنه وزاد مالح
وانا الجنت احبك كلب والسان
على مودك بالصخر هاليوم اناطح
واضن تدري اليهد الرسن خسران
واليرخي الذراع بساع طايح
موش انت العراق الجان ماجان
عز ومفخره والراي راجح
وعلمت الكتابه وصغت الالحان
لخلك الله ويعيلون وتسامح
ليش من العصر تقفل البيبان
وأرك جيرانه للباب فاتح
مضيف ومادفه بكوسرك بردان
ولانام برسيسك ضيف بارح
ولافيك كسر وارتاح تعبان
ولا صحنك يدلي بغير صايح
ولاخطار مرك ساعة اوذان
ولا حك على باطل بيك راجح
اضن حكي من ابدلك واني ربحان
بطرديه وجرد منا ورايح
رخص دم الشباب وسال نهران
عدك والفقير بذل يكافح
الشريف يموت حركه عليك زعلان
شمعنه والحرامي سوكه رابح
ماجنت اعتقد يختل الميزان
عذرا ياعراق الخلل واضح
كل ساعه ويثور بكتر بركان
ونكل للنشد حتما بيها صالح
بعدهن بالجتف ليرات شعلان
وترانه بيوم عزهن ما نصالح
(البحاثي)
تحياتي
شكرا لمن اهدى سورةالفاتحه لروح المرحوم الناشط المدني
ثائر الطيب البحاثي
(صورة الشهيد ثائر الطيب)
رد مع اقتباس
المشاركة الأصلية كتبت بواسطة Netero
