الظلمه مو حلوه
,,,,,,,,,,,,,,,,,,,, الليل وما ادراك مالليل ,,,هكذا ليلي
اصفن ويه ونفسك وانظر الدنياك,,
بالك تعتبرهه
بيوم الك تجوه,,
لو يصبح مثل قارون عندك مال,,
وتعيش بمأسي
اموالك شتسوه,,
ناعوروتنصبه بنهرمابي ماي,,
شنهو الفائده
ياصاحبي بدلوه,,
سمعت بلا وسيله الماي يصعد فوك,,
عمر ماي النهر
مايجهب العلوه,,
قمة كل جبل ماتحفظ الامطار,,
بس تلكي المطر
ينزل عله الربوه,,
لذلك من يجيك السيل جارف حيل,,
مايجرف جبل
بس يجرف الرخوه,,
واليبقه صلب مايهم للاقدار,,
وزمنٌه بهل الوكت
مو صاحب مروٌه,,
تودع دنيك حتما تراك بيوم ,,
مكتوبه عليك
وفرض هلجلوه,,
ياعمي الفرح بالسوك ماينباع,,
حذاري من الحزن
يتعنه الك عنوه,,
افرح وابتسم واضحك بوجه الجاي,,
اشكثر حلوه الشمس
والظلمه مو حلوه
,,,,,,,,,,,,,,,,,,,,,,,,,,,,,,,,,,,,,,,,
بقلم الدغاري
رد مع اقتباس
المشاركة الأصلية كتبت بواسطة Netero
