شروط التقديم على قرض الاسكان العراقي
حسب قرار مجلس الوزراء
-لا تقل مساحاتها عن (100 متر مربع)
-إضافة البناء وبما لا يتجاوز عن (خمسة وسبعين مليون دينار) في مراكز المدن والمحافظات
-تمنح 60 مليون دينار في أقضية محافظة بغداد و(خمسين مليون دينار) خارج مراكز المحافظات
-من دون فائدة وبمدة سداد لا تزيد عن 20 سنة
- ان تكون عندگ قطعة طابو صرف وكفيل مدني او مفوض بالشرطة او انت موضف وراتبگ موطن على كي كارد بهالحالة متحتاج كفيل انت كفيل نفسگ
سؤال وجواب عن القرض للمعلومات
بعد السؤال والاستفسار من قبل من حصل على دفعة اولى
سؤال : كم متر اقل شيء للقطعة حته يعطونا قرض
الجواب : حسب الكلام لازم القطعه ١٠٠متر اقل شيء وتكون طابو داخل بغداد وليس زراعي لان طابو زراعي ما بيه قرض واحنه انطينه المعاملة للمعقب طلع اجازة بناء وتثبيت حدود
سؤال : من يطلع الكشف لازم شنو موجود
الجواب : من يطلعون كشف لازم اكو باتلو بالكاع يعني مو بس قطعه
سؤال : اشكد الدفعات ومبلغ التسديد
الجواب : اذا القرض 50 مليون لازم تدفع كل شهر 200 الف دينار عراقي
اذا القرض الي ماخذة 75 مليون لازم تدفع كل شهر 280 الف دينار عراقي
اذا القطعة خارج المدينة يعطون 40 مليون قرض
يعطون الشخص القرض على شكل ثلاث دفعات وهي الاولى 15 مليون بعد ما يكون البتلو بالقطعة والثانية 20 او 25 يعطوها من يكمل الهيكل والاخيرة المبلغ المتبقي الدفعه الثالثه والاخيرة للكهرباء المجاري الكاشي هاي النواعم
طبعا والشخص الي يريد يطلع الاجازة والخريطة ويكمل البتلو حته يحصل على الدفعة الاولى التكلفة للاجازة والخريطه والبتلو تقريبا ٤ ونص حسب الامكانية
سؤال : باي مكان اكدر اخذ قرض عليه
الجواب : اهم شيء القطعة ملك صرف عادي باي مكان
سؤال : اي كفالة يقبلها المصرف
الجواب : موظف مدني او داخلية اقصى حد مفوض شرطي
مع سند القطعة اقل مساحة١٠٠ متر تحجز لحين سداد المبلغ
س : هل اكو فوائد في القرض
الجواب : نعم اكو فائدة وهي نسبة 5 بالمئة حسب كلام الي اخذو القرض من المصارف
للتقديم من الرابط
استمــــــــــارة
رد مع اقتباس
