(( المتاهة))
(( الجزء الاول ))
(( الحلقة الرابعة ))
انا:- صباح الخير استاذ البارحة اجيت الساعه ١١ الصبح وضليت انتظر للوحده ونص وحضرتك ما رجعت.
الموظف :- اي والله اني إضافة إلى شغلي مكلفيني بلجان وما جاي الحك ، وكل اشويه بالمحكمه.
(( لقد وجدت من يتجاوب معي ويأخذ ويعطي بالحديث ومتذمر أيضا مثلي ، رغم أنه مسؤول ، ولديه معيه ياتمرون بأمره، واراه ساخط وناقم على الوضع ))
الموظف :- تفضل شعندك.
انا:- والله استاذ هاي معاملتي وعندي كتاب من دائرة رقم ١ .
الموظف:- صار تدلل عشر دقايق ..
عمي جيبولي الاضبارة.
انا :- رحم الله والديك استاذ .
استمرت الدقائق الى ساعات ، انا هنا في الساعه ٩ صباحا وها هيه الساعه ١٢ ظهرا .
الموظف:- خويه جاي اندور على الاضبارة ، لا تهتم .
انا :- ابراحتك استاذ ، بس عاد كون ما ضايعه.
الموظف :- لا انتظر هسه يلكونه.
انا :- استاذ اني واكف اكبالك، إذا لكيته انطيني خبر.
الموظف :- هاي خويه تعال لكيناه .
انا :- الحمد لله رب العالمين، زحمتك استاذ .
(( ما هذا ايعقل هذه اضبارتي ، مجموعه كبيره من الأوراق المهترئة ويحيط بها فايل كارتوني امر حال من الأوراق التي بداخله، ماذا يحصل يالهي، اين يذهب هذا البلد ، اشعر وفي هذه اللحظات اننا نسير بسرعة الضوء إلى الهاوية))
الموظف :- شنو هذا المكتوب ما جاي اعرف اقراه، خاف اكو مشكلة ليش كاتبين عليه هيج .
انا :- استاذ والله ما اعرف ، اني اول مره اراجع من سنوات طويله ما مراجع لهاي الدائرة .
الموظف:- لا تهتم ماكو مشكله ، خلي يجي المدير ويشوفنه شنو الموضوع.
انا :- جا المدير وين استاذ .
الموظف:- اعتقد يم المحافظ اليوم اكو اجتماع .
انا :- استاد هسه الساعه بالوحدة جا يمته يجي بعد .
الموظف:- خويه والله ما ادري .
(( لا أصدق ما يحصل ، لا استطيع ان اناقش الموظف فيعلو صوته ويعلو صوتي ، ويعتبر اعتداء على الموظف أثناء الواجب ، وقد اذهب بها أكثر من خمس سنوات، دعني احافظ على كرامتي و حريتي واصبر وما المشكله إذا بقيت في الدائرة أكثر من شهر وانا استطيع ان اتصل لعائلتي وأصدقائي، هي أفضل من السجن بآلاف المرات ))
بدأت تراودني أفكار كثيرة ، تذكرت يوم من الأيام شاهدت فلم أمريكي على ما أتصور اسمه (صياد الجوائز) كان هذا يصطاد المجرمين ويسلمهم للعداله ويقبض مقابيل هذا العمل الاف الدولارات ، بدأت اعيش حلم اليقظة هذا ، وفكرت أن اصير صياد جوائز واسلم الموظفين الفاسدين إلى العداله ، ولكن انتبهت أن دولتنا لا تعطي مبلغ مقابيل هذا الصيد ، ولكن أعجبتني الفكره كثيرا ، أن أصبح (صائد جوائز)
وهاي هيه الساعه الثانيه ظهرا ولم يحظر المدير ...)))
الموظف:- خويه خلص الدوام باجر من الصبح تعال .
انا :- شكرا استاد ، الله كريم باجر اجي أن شاء الله..
(( لعنت هذا اليوم و لعنت المعامله ولعنت كل شيء ، وأخرجت سكاره من جيبي كي تهدء اعصابي خوفا من الانفعال مع الموظف ، لاني اعرف ما يعني الاعتداء على موظف أثناء الواجب ))
يتبع.......
رد مع اقتباس
المشاركة الأصلية كتبت بواسطة Netero
