الباري حلاٌل
,,,,,,,,,,,,,,
صهيل براسي احس ومرادم الخيل,,
وعراضه وتفك
واسمع صوت مهوال,,
يحشٌم بلسلف خل ناخذ الثار,,
والحجايه موعدله
وبيهه اشكال,,
كظيت اسنين ماسولف عله الاسرار,,
ولا بلساني جلمه
بهاي تنكال,,
شكل للناس خاف اتكول مجنون,,
واصيرن بلسلف
مضرب للامثال,,
اصفن ويه روحي وعقلي محتار,,
وهواس وضنون
اتغيٌر الاحوال,,
غريبه اتمر ابالي هاي الافكار,,
وطوابيرال هموم
وصعبه تنشال,,
ودراديب الوكت والناس والظيم ,,
ومرادف عليه
وصوٌر اشكال,,
حلم يقظه اثاري هاي الاوهام,,
واشعرعله متني
اهموم ال ثكال,,
نهاري اكظيه امفارس ويه الايام,,
وعل الوساده الدمع
بالليل همال,,
والمهجه اصبحت ماتحمل الصار,,
لان هم العليه
بثكل ال جبال,,
بس ارجع واكولن الله موجود,,
شما تصعب الحاله
الباري حلاٌل
,,,,,,,,,,,,,,,,,,,,,,,,,,,,,,,,,,,,,,,,,
بقلم الدغاري
رد مع اقتباس
المشاركة الأصلية كتبت بواسطة بٰـہٰٖغٰـہٰٖدآديٰـہٰٖة
