جلوه
..........
حسبت كلشي وشفت ماكو بديل....
وكلبتهه ...بكل كتر...ماكو سهل....
هذا ..كلبي ..اللي ..انجرح ..واصبح ..عليل..
هو مو ..اصبع ..كسرته..وينعدل...
فوك وكتي ..اجور..وتشفي الغليل..
لاتبدج ..كتلي..حاسبني نزل...
جلوه ..مفروضه عليه..شلون اشيل...
تدري ..ماظل بيه..يمعود عقل...
كور ..غزلي تحربط ..بظلمة الليل...
العكده ..بله ..شلون ..اشوفنهه واحل...
انته ..يلصاحب بخت...وانه الدخيل...
اني ماسمع...دخيل ..وينجتل...
انه باجر...عنك..انويت الرحيل..
خويه ..انسه البينه..وراح ..ارتحل..
بلا وداع...وخلي ..ينساك الدليل...
وكول ما ادري..لونك ..تنسأل ..
انته ..تقبل صاحبك..يبقه..ذليل...
الموت احسن..من حياة..وبيهه ذل...
عاشرتني...بكل ضرف ..مايوم اعيل...
وجدمي ..من يومه..مشه ..بدرب العدل..
شكبنت ..همي . وصبح ..كلش ثجيل..
اتعودت ..حمل ال هموم...وما امل..
هيه ظلت ..مهجه ..بيهه انته تعيل..
ولا دمع ..بلعين ..هم ..ترجه ..يهمل..
انته ..مو كاتلني..ماخفت الجليل..
تدري رب الكون..مايرضه الجتل...
اني سمعان الصبر ..عند الاصيل..
هوايه ..مرات الصبر ماينحمل...
واحنه ...بلدنيه..مثل ..عابر ..سبيل..
ومثل ..زلة جدم..لو رادت ..تزل..
هيه ..بهل البيت ..من سوت قليل..
الدنيه غداره بطبعهه من الاصل....
.................................
بقلم الدغاري
رد مع اقتباس
المشاركة الأصلية كتبت بواسطة بٰـہٰٖغٰـہٰٖدآديٰـہٰٖة
