حواريه من الطف
::::::::::::::::::::
خلي نفرض كربله مــــــــــــو بالوجود ,,ولاصارت بالطفوف الملحمــه
ولا مسلـــــــــــم راح للكوفـــــه سفير ,,ولا طوعه حصلت هالمكرمــــه
وخلي نفرض ماكو شط اسمه الفرات ,,ولاابو السجاد يشكي من الضمـه
وخلي نفرض مــاكو وي زينب كفيل ,,ولا جفوفه الطاحن بهل الموزمـه
وخلي نفرض ماكو عبد الله الرضيع ,,ولا دمه الي صعد يـــــــــم السمه
وخلي نفرض ابـــــــد ماحركو خيام ,,ولا اعيال احسين بالبر هايمـــــه
ولا شبيــــه المصطفى شبل الحسين ,,البكر بن غانم بسيفه يهزمـــــــــه
ولا القاسم بعده فـــــي عمر الورود ,,ولا وصيــــــة الحسن امه اتسلمه
وخلي نفرض بالضعن ماكـــو عليل ,,ولا سلاسل جيده كلش مؤلمـــــه
يعني ماكو ملحمه وماكـــــو طفوف ,,أطول وتعرض اهـــــواي القائمه
مو صحيح وغلط كل هاي الفروض,,هاي لوحــــــــه بالسماء مصممه
الباري يختارالرسل تحمــي الاديان ,,وبمحمد ختم دينــــــــــــــه وتتمه
ولازم اخلاف النبي الدينه حمـــــاة ,,يدري بيهه الا رض طغمه ظالمه
والجليل اختار أأمــــــــــــه واولياء ,,حته تبقه هالرساله سالمــــــــــــه
تحمي دين المصطفى بأطهر دماء ,,والسماء بالهمأسي عالمــــــــــــــه
ولذلك عالعــــــــرش اسم الحسين ,,اذن رب العـــــــــرش بيده راسمه
بعالم الذر ورث كـــــــــل الانبياء ,,مـــــــــــــن نزل ادم الباري علمه
لأن هــــــذا احسين محبوب الاله ,,وحيدر الكرار ابـــــو حامي الحمه
نزل جبرائيل يعـــــــزي الرسول ,,بساعة الجابته امــــــــــــــه فاطمه
بيده جاب اتراب من ارض الطفوف,,يـــــــــوم عاشوراء تتحول دمه
يبقه اسم حسين عنوان الخلــــــــود ,,ودين جده تحفظه هاي الملحمـه
:::::::::::::::::::::::::::::::::::::::::::::::::: ::::::::::::::::::::::::::الدغاري
رد مع اقتباس
المشاركة الأصلية كتبت بواسطة بٰـہٰٖغٰـہٰٖدآديٰـہٰٖة
