((الحلقه الاولى ))
(( الجزء الثاني ))
الساعه العاشره والنصف صباحا. المكان في باب الدائره .. كثير من الهواجس تحيط بي أشعر أن جاذبية الأرض تزداد ، شعور غريب قدماي بدأت تتباطاء حركاتها ...
انا :- الو .. سلام عليكم ابو علي اشونك خويه .
صديقي :- كل الهله ابو حيدر اشونك اخبارك .
انا :- ابو علاوي خويه ، اريدك تساعدني بموضوع على اعتبار انت كنت محامي لمدة تلث سنوات قبل لا تتعين .
صديقي :- تفضل خويه بخدمتك .
انا :- إذا المعامله عليه اشاره ، اشون تنرفع الاشاره.
صديقي:- هههههه اسهل شي هاي ليش هيج صوتك تعبان.
انا :- خويه حقك تضحك بس تره اني اول مره أشعر هذا الشعور ، اني صارلي أكثر من خمس سنوات ما مراجع اي دائرة ، و هسه جاي أشعر كأنه اني (هندي) وجاي امشي (بالشورجه ) .
صديقي :- شني السالفه ابو حيدر خويه لا تهتم سهله، بس ينراد شويه تفهم لغة الاشاره .
انا:- اكلك يجوز ما تصدكني، اكلك والله ما جاي افهم اللغه الي جاي يحجون بيه ، جاي احاول اركز من يحجي الموظف وياي بس والله ما افهم منه اي كلمه .. هسه معقوله اني بيه شي لو عندي مشكله بالتركيز ، بويه اني خدمتي بالوظيفه في جامعة القادسية صارلي ثمنطعش سنه .
صديقي :- اكلك اني هسه عندي شغل ، تريدني اجيك لو تخليه العصر نلتقي .
انا :- لا خويه اخذ راحتك العصر من نلتقي اجيبلك المعامله وياي حتى تشوفه .
يلا في مان الله .
صديقي :- اي أن شاء الله فيما.الله.
كنت احول باتصالي هذا أن أعطي لنفسي بعض الشحن الإيجابي واشعر أن أحد أصدقائي يعرف انني في هذه الدائرة ، لربما أضيع فيها ولن أخرج من هذه المتاهه، فيعرف صديقي اني كنت هنا و يخبر اهلي عندما يبحثون عني ، إنه اتصل بي الساعه العاشره والنصف صباحا وكان في وسط الدائره ..
وانا في الصاله أحاول دخول أحد الغرف للسؤال عن اين اذهب بهذه المعامله .. واذا بموظف الأمس وجها لوجه وهوه يتوقف .
الموظف:- ها اشونك ، اشسويت .
انا :- اشونك استاد اخبارك ، ( بعض اللواكه عسى أن يساعدني ) والله استاد افتريت كل الغرف محد يعرف شنو السالفه ، ورحت الحاسبة الي دزيتني عليه مال القانونيه هم كالو عليه اشاره، بس ما كالو وين اروح .
الموظف :- ( ابتسامه ساخره وهوه يحاول تركي لاني مثل الهندي لا افهم ما يقول ) خويه عليهه اشاره شوف منين هاي الاشاره.
ذهب الموظف وبقيت وحدي وسط هذه المعمعه، لا أعرف أين اذهب ، الغرفه كثيره جدا والموظفين أكثر بكثير . والكل يتحرك بحركه غريبه ، ووجوه لم أراها من قبل، الكل يرتدي افخر الملابس وارقى الاحذيه ... و وجههم تم الاعتناء بها بدقه متناهيه من رجال ونساء و عطور من افخر الأنواع. ..
اقسم بالله اني غريب في هذه الدائرة وهذه المدينه وهذا البلد .
دخلت أحد الغرفه ..
يوجد في هذه الغرفه خمسة ميز مكتب و أحد هذه الميوزة فارغ ويوجد عليه جهاز لابتوب و هنالك اربع موظفات جميلات جدا كل واحده منهن بيدها جهاز موبيل ايفون أحدث ماركه ومشغولات بالانستاجرام ،
انا :- خويه وين الأستاذ ( طبعا صاحب الميز الفارغ )
الموظفة :- ( عين لي وعين بالانستاجرام ) نزل قبل اشويه .
انا :- ست هم يرجع . لاني اريد اساله على الاشاره.
الموظفة :- شفتي هاي الحقيرة شنو منزله ب ( الكلوز فريند) .
انا :- العفو ست ، شنوووو!
الموظفة :- عيني مو وياك ، مو كتلك الأستاذ نزل .
انا :- شكرا ست.
الموظفة :- .............
لا حول الله ماذا يحصل لم امر بهكذا موقف ، دخلت الدائرة من الساعه العاشره والنصف صباحا، وها هي الساعه الثانية عشر والنصف ولم يجيبني أحد ولا افهم ماذا يحدث .
يتبع ............
رد مع اقتباس
المشاركة الأصلية كتبت بواسطة بٰـہٰٖغٰـہٰٖدآديٰـہٰٖة
