مراية غوه,,,,,من الارشيف
,,,,,,,,,,,,
يلجنت احسبك وفــــــــه شو ذبلٌت وردتي
شحيت وانتـــــــــــــــه النده يلنشفت ريتي
ضيعت كـــــــــــل الحجي واتعثر بجلمتي
خلافك غريب الحرف غطه الحزن شفتٌي
ينشدني كـــــــل اليمر وانته سبب صفنتي
تيهت حته الدرب جــــن ماعرف ديريتي
خليت كـــــــــــــــل اليمر يتألم الحسرتي
يوميه انـــي انتظر هجي اصبحت حالتي
رافــــــــكت ليل السهر وانته سبب علتي
دمعي جــــــره علوجن وك بلل اوسادتي
شوكي لك ماينوصف انته اصبحت نشوتي
انته نديمي العمرياكاسي ياخــــــــــمرتي
متنانيك ليلة عتب ضميت الك دمعتـــــي
ظل وحشه ليل العشك وانته نجم سهرتي
رتك امرايه غــــوه بيك انظر الصورتي
جا هجي صار الوفه ليش انطفت شمعتي
اكرب وجس النبض واسمع ولك ونتـــي
وي روحي اسولف كمت يلضيعت فرحتي
ولا بلجذب فكرت ياظالــــــــــم الشوفتي
اخلافك اشيسوه العمرماتسوه ابـــد دنيتي
,,,,,,,,,,,,,,,,,,,,,,,,,,,,,,,,,,,,,,,,,,,, الدغاري
رد مع اقتباس
المشاركة الأصلية كتبت بواسطة راحل مع الايام
