هنا

[سيف حسين]

عندي صديق گاعد بمنطة بالكرخ اغلبية سكانها من مسلمي الروهينغا سمعت بيته مبيوگ ورحت اطمأن عليه وبعد السلام والله بالخير سالته خير ياستار ؟ جاوبني قائلا" بإحدى المناسبات طلعت آني والعائلة لمول المنصور لأن العينتين دكت رجل إلا تحتفل هناك رجعنا الساعه 12 باليل

ولگينا البيت بطرگ القنفات وبما انه اكثر مناطق الكرخ حاج مايدري بـ حاج رحت على جاري و بست ايده يلله قبل يشوفني الكاميرات ومن شفتها عرفت الحرامي ورحت ثاني يوم اشتكيت عليه بالمكافحة .. يگول والكلام لصديقي العصر اجه لبيتي اربع اشخاص بسيارة بلايزر بدون ارقام وجوههم كـ الاقمار

ولابسين بناطير مرقطة وتيشيرتات سود وكاسكيتات يكول أحلى واحد بيهم جرني على صفحة وگالي حجاية وحدة نگوللكياها ونروح الك نص ساعة تبدل ملابسك وتروح تتنازل عن فلان إلي مشتكي عليه بالمكافحة وصعدو بسيارتهم وراحو


گلتله دخيولون انعل ابوهم لابو منين ماطلعو ورجعت سالته منو ذولي ؟

كال ذولي من مكتب ربع اللة للمفوضية السامية آني من سمعت ربع اللة بلعت ريگي وگلتله اتنازلت لو لا ؟ گال إذا انت بمكاني شتسوي ؟ گتله آني لو جاييني وسامع هيح كلام گلبي ماينطيني ازعلهم وأكسر بخاطرهم , وأطلع كدامهم بالدشداشة ركض للمكافحة واتنازل
گال وهذا إلي صار بس حاير بشغلة
كتلة شنية
كل بس لو اعرف منو الجلب ابن الجلب الي سمى بغداد دار السلام

[الرميثي]

يريدونا ان نبطل ادلتهم ببراهين مع العلم
ان عنوان الموضوع يختلف عن المحتوى
والمحتوى يختلف عن عنوان الموضوع
فلا العنوان يدل على المحتوى ولا المحتوى يدل على العنوان
وتعالوا ناقشوا

[Rafid19]

شتقصد بمصطلح مسلمي الروهينغا

[عدنان الواثق]

قصه فيها الكثير من معاني الألم حقيقة رغم واقعيتها وبساطة محتواها وبنفس الوقت الخاتمه حوت من الطرفه الممزوجه بالاستفهام اللامتناهي..سيف

[أبن ألأشتر]

ولو الموضوع قديم بس كذب .؟
وشنو عود (الروهينغا)
خوية سيف .ولامرة سمعنا منك
كذبه مصفطة ونستمتع فيها .
النوب حتى صدكك مخربط .
عمي اكعد عوج واحجي عدل
الله يهديك