كون اتشوف ..
خلصت الوجوه وشفت كل الناس ..
كلها اوجوه غربه ولا وجه معروف ..
كون اتشوف ..
خلصت الوجوه وشفت كل الناس ..
كلها اوجوه غربه ولا وجه معروف ..
وين الگاك ، يلموصوف اليه وأنه الك موصوف ..
يل فرگاك غربه وكلشي مامألوف ..
التعديل الأخير تم بواسطة Haidar Iraq ; 18/March/2021 الساعة 7:11 am
انه ابلياك مدري شبيه مابيه ..
زلف وبلايه ترچيه ..
درب مابيه كل جيه..
نهر فاض وتبع ميه ..
رجع بس مالگاله اجروف ..
كون اتشوف ..
روحي اشخله بيهه الخوف ..
مطلوبه نذر وتخاف ..
ماتوصل حضرتك ..
من بعيد اطوف ..
كون اتشوف ..
روحي اشخله بيهه الخوف ..
مثل دم العروس الجايه اعله اجناب ..
ويصبر عليهه وجابهه الزافوف ..
وشوف اشخله بيه الخوف ..
مثل حَلت مدارس روحي احسهه اطفال ..
حَلت وتركتني وباقي بس اصفوف ..
ويا وحشة اصفوفي ومن يجيني الليل ..
ويالون الوجه بعدك الضل مخطوف ..
ويا قسوة ضنوني الماتريد ارتاح ..
وانه الصاير اسير وبيدهن مجتوف ..
كون الگاك واشكيلك ..
عله اجروحي الگيت الغشمه بيهه اتروف ..
وكون الگاك ، وابچيلك واسوي خدودي سبوره
ودمعتي احروف ..