مأمون النطاح | لا ترسل صور كلمات + مشاهده
لا ترسل صور مابيها ابد روح
ماريدن جسد خالي المشاعر
بارد والثلچ فوگاک شبرين
وانا بصدري سكن حر السواتر
يا ورد اصطناعي وعطر مابيك
وانا سوالفي تعطر الخواطر
مليان النهر بالسمچ لو اريد
على يا مال تتغلى وتكابر ؟؟
جلد من زغر سني وبالي متعوب
و موزع ااصبر لاهل المذاخر
وعروگ الگلب فاطمها عالموت
وعلي حسدوني حتى اهل المگابر
طلگت الوكت من شفته مو زين
يضحک للردايا وللقشامر
وعاندني البعض چي ما گلت هات
ولا بعت المبادئ والضمابر
وانت اليوم جاي تهيج الروح
وترش ملحك على جروح المحاجر
لا تطلع بعد وترخي المتون
وعلى الرمان لتحل الضفاير
ولا تحچي بغنچ وتسبل العيون
واطيح ابين سيفك والخناجر
عليم الله سارق كل الانظار
بحجل الساق وبثني الخواصر
لكنك عليي متغير اهواي
شعجب غروك تالي اهل المظاهر
عزائي ابعدك تسليني الحروف
وانا الـ الاولاك ابد ما صرت شاعر
رد مع اقتباس
المشاركة الأصلية كتبت بواسطة بٰـہٰٖغٰـہٰٖدآديٰـہٰٖة
