بدمع العين اسلوف واني مجبور
على افراكچ يداري وأنتي تدرين
عزيزه انتي عليه ويشهد الله
انه ابنيتچ يداري ابدمعة العين
مو يوم وشهر كملت بنيان
بنيانچ تعده اسنين وسنين
ذبيت الي عندي وفوكه مديون
وكلت مو مشكله بس انتي تزهين
وزهيتي وعشنه احله ايامنه اوياچ
وصرن اهل وحبايب لجوارين
ما بينه اليفرق بين الاسماء
ولا بينه اليفرق دين عن دين
الكبالي اسمه عيسى وعمر منا
وابو أزاد يمي وأني ابو حسين
لكن من اجت أمريكه لهنا
زرعت كل فتنهه ابنص مساكين
مسكين الشعب شي تاكل ابشي
وبقت البيوت تصفر بس حياطين
من بعدچ يداري انذلت الروح
وصفت مثل الدلال ابلا فناجين
حزنت اعليج انه يا دار العيال
مثل حزن اليتيمه المالهه امعين
البشر من غير داره يبقه والله
مثل الشيوخ عمي ابلا دواوين
ومالومچ أذا چنت اني مرتاح
وتركتچ هذا حقچ لو تعتبين
مغصوب وتركتچ والله يا دار
وعلى فراكي دخيلچ لا تنوحين
مو سهله اتركچ وانتي بالروح
ياداري الحبيبه الي تعيشين
ما تركچ أبد لوما هل اطفال
اخاف اركابهه اتكصهه السچاچين
وتبقين الحبيبه ابكل الاوقات
وبنبض الكلب صدكيني تبقين)مع تحياتيمنقول
رد مع اقتباس
