هنا

[بٰـہٰٖغٰـہٰٖدآديٰـہٰٖة]

كشفت الإعلامية مها الصغير زوجة النجم أحمد السقا، عن مفاجأة تخص والديها، مؤكدة أن والدها الذي يعاني حاليا من فيروس كورونا، أصر على إعادة زوجته إلى عصمته بعد انفصال دام 22 عاما لأسباب عائلية، وأكدت أن والدها تسبب في ارتباك كبير داخل المستشفى، بعدما طلب منهم إحضار مأذون وإتمام أجراءات الزواج رغم خضوعه للعزل الصحي.

مها الصغير تروى قصة انفصال وعودة والديها
مها نشرت القصة كاملة عبر حسابها بموقع إنستقرام، وعلقت على صورة قديمة لوالديها قائلة: في حاجه مهمه أوي عايزة كل العالم يعرفها، و اكيد مش هعرف اكتب الكلام ده تاني.. أبطال القصة دي هم أبي وحياتي كلها واللي يعرفني كويس يعرف أن محمد الصغير مش أبويا بس هو حب عمري، والبطلة الثانية هي أعظم ست في العالم ملكه العلايلي.

وأضافت: قصه حب عشتها علي مدار كل يوم وكل ثانيه لغايه اللحظة حتي لما تطلقوا كنت عارفه أنه بيحبها وهي بتحبه وعمري ما شفته أو شفتها سعيدة غير وهي مراته، المهم امي اتجوزت ابويا وهي من عائله ارستقراطيه و هو من عائله بسيطه وتحدت اهلها و قطعوها وهو لم يكن معاه سوي 100 جنيه.

وتابعت: وحصل مشاكل وتطلقوا من 22 سنة ويوم ما تعب وهو حواليه ناس كتير اوي (بس في الافراح فقط) طلب مني اطلب امي في التليفون وطلب يشوفها وجت له علي طول، يوم ما حس انه ضعيف اوي و تعبان بجد طلب ضهره وسنده الي بجد مش في المنظرة وجت و طلب منها متزعلش منه وانها تتجوزه علي سنه الله و رسوله تاني، واصدقاء الابطال في هذا الفيلم الجميل الي شهدوا هذه اللحظه هما انا وأخويا مصطفي واخويا التاني الدكتور الي مسبنيش لحظه يحيي البستاني.

واستكملت: الدنيا اتدربكت وطلب مأذون و جه المأذون جوز ملكه العلايلي لمحمد الصغير علي سنه الله ورسوله، فهذه العظيمة اتجوزته وهو محلتوش حاجه و في عز ضعفه و رجعت له و هو في عز ضعفه برده، ونام في حضنها وهو مرتاح أوي، هو الان في امس الحاجه للدعاء لانه في لحظات حرجه اوي. ادعوا له وآسفه اني طولت عليكوا

[EV ']

شكرا جزيلا غلا

[بٰـہٰٖغٰـہٰٖدآديٰـہٰٖة]

نورتي قلبي الطرح