لو شبگنة الكاع يعرگ ليلنة
هلي
كتبتلكم مكاتيبي على ورگات دفتر البافرة
وضمّيتهن لمن يصحّ الطارش
وما صحّ الطارش
ومن المامش
كظن وحدة وره الاخرى دخان ترس صدري..
وإعلة واهسكم خبطنة الماي الازرگ
طاليبن بدين واعرض دينة
وإعلة واهسكم لگينة الگصبة كعبة
نزور حدها ولو سفاهة بعينة
وإعلة واهسكم عرفنا الموت الاول
واستحة وعينة نثنت من عينة
وجان ليل الخوف لفحة ريح شتوة
ولو شبگنة الكاع يعرگ ليلنة
وچانت الضحكة جوالي
تناثرت ضحكة بحوافر خيلنة
وعلى ريحتكم تلگتنة الشواطي
بفرح نفية وعانگتنة وطحنة چلمة اثنينة
چلمة بيها الماي ذبل كل زراكة
چلمة بيها العين غبش كل فرحها
وخضرت طاكات بخدود الرفاكة
م
رد مع اقتباس
...