العشگ عمري
يَريح الله ابوسط صدري
العمر بيديك...!
اذا ترحل .... أموت عليك ...يَدربي الما عرف غيرة
تضيّعني ابسَدَة المعبر؟؟
حرام عليك
گلتلي اشتاگ ،دبّرها... گلتلك شوگ ما بیّة
عيوني امفرهدات الطيف
وگلیبي بجفاك انطر
گلتلي الشوگ، هم یدبَر...؛
و تالی مشیت
و انا بليّاك مِن وجه القهر ملّيت ... لئن بس أهوة بيّة المر ...!!!
ياالموصّيني...تتذكّر ...؟
گلتلي أصبر، و أنا الهاللحظة أتصبّر
رخصت أهواي من بعدك
خنگني الليل من دونك وعْليّة الهوا اتكبّر...!
أدمّع عزّتي و أنثر خلگ روحي ابتراب الآه ... و اتنطّر
و أگولن يلله ماشي الحال...جاي أكبر!
و أغش روحي ابجگارة حسرتي و بيتي الكبر لمّن فرغ، و أنغَر؛
و أويلي عليك لو يطلع،
ابكبره البيت من بيت الشعر أزغر...!
الشاعر الدكتور أبوعلي النجفي
(د.حسین نجفي)
رد مع اقتباس