وتالي شلون
اليوم بلا وداع اتحزمو للموت
وباجر هم مثلهم غيرهم يرحون
ياليل المصايب ياصبر ايوب
چم ايوب عدنه گباله چم فرعون
چم ليل اليمر واحنه على ذاك الطاس
ويوميه النجف باولادنه يعزبون
باجر مثل امس واتعس ظلام البيه
مابين صبح لاشمس تعمي عيون
ياگلب الحنينه الفاگده محبين
تنطر عالشريعه وبلكت ايبينون
هو المات يرجع حتى اكول ايعود
ياهو الگبله رد وبالنجف مدفون
من مات الضمير ايموت كلشي وياه
وصرنه احنه الضحيه الصبحة الخاتون
وتالي شلون
نظل نلزم سره على الموت والصمون
ماتصحون
ماتحچون
والاحسن اگلكم ليش ماتمشون
انهرت جرح الوطن من زاخو حد الفاو
مايفع لجرحه الخيط شتخيطون
علي تكليف الصگبان
رحم الله العراق
وشهداء العراق
رد مع اقتباس
المشاركة الأصلية كتبت بواسطة ۛ ּمــذڪــڕاټ ̨؏ــاڜــڦ
