هنا

[سيف حسين]

خوان اثنين واحد منهم فقير او واحد الله موفقه وفاتحه عليه ذاك اليوم الفقير راد يسير على ربعه كال خل اروح البيت اخوي واخذ منه قاط البسه واسير بي ومن طب للبيت مرة اخوه كلتله اخوك طالع مو باالبيت كلها خويه رايد قاط منه

كلتله اي خويه كامت وفتحت الكنتور عجبه قاط كللها اريد هذا القاط كلتله اعذرني هذا القاط جديد واخوك بعده ما لابسه شوف غيره كللها لا والله الة هذا اشو عجبني كلتله مااكدر اعذرني

طلع من البيت وكلشي ما اخذ ومن اجا اخوه مرته سولفتله باالسالفه كلها اي ومانطيتيه اله؟

كلتله لا والله ما انطيته كلها كومي جيبي القاط لزمه وحركه وكلها القاط الحرمتي على اخوي تحرم علي شوفته


احرك البيت مو بس احرك هدومي اخوي ولو غص توكف بزردومي
شلي بكشخة القاط الكشخه باالخوه الدله اشتسوه لو فرغت من الكهوة
مايستر القاط
الاخو اليسترني
اني مكشف احس من يبتعد عني
نظر عيني هذا وسند للعازه اخوي ولو طحت بس هو عكازه
سوه جبناها من لولة ام عصابه خوان وسويه انهد للطلابه

[ايليتا]

قصة جميلة

[sawsanmahmoud]

قصة جميلة ومعبرة عن الأخوة
الأخوة لا تعوّض ولا تقدر بثمن
(لَا يُؤْمِنُ أَحَدُكُمْ حَتَّى يُحِبَّ لِأَخِيهِ مَا يُحِبُّ لِنَفْسِهِ)

[شذى الأرجوان]

قصه. جميله جدا---ومؤثره. كلمات روعه. قليله بحقها شكرا. اخي.

[سيف حسين]

شكرا لمروركم الجميل
نورتوا

[basher4]

لست قادر ياسيف... اترك عيني وشانها ما بالك ارمدتها اوَ في المهجة شح حيلٍ استند اوَ ما تدري مَحنَّي الظهر لاخٍ مبتعد ويلي ان لم الحق به فارثيه وانتحب....

[سيف حسين]

لست قادر ياسيف... اترك عيني وشانها ما بالك ارمدتها اوَ في المهجة شح حيلٍ استند اوَ ما تدري مَحنَّي الظهر لاخٍ مبتعد ويلي ان لم الحق به فارثيه وانتحب....

يؤسفني اجدد احزانك استاذ

رحمه الله ان كان فارق عالمنا هذا
وجمعك الله به ان كان بعيدا عنكم

[الرميثي]

كلها كومي جيبي القاط لزمه وحركه وكلها القاط الحرمتي على اخوي تحرم علي شوفته

هههههه
بمكان ما يحركَ القاط كان يشتري لاخوه واحد جديد مثله
مادام هوة الله امكنه وغني واخوه فقير ليش ما يساعده
اذا كان حنين على اخوه بهاي الدرجة
ارجو المعذرة سيف هاي القصة اضحكتني ما ابكتي