مو محلهه
..............
المخلص صدك ماينمل ابساع....
تطيب ارواحنه بلمة شملهه
واليبني اساس يميز الكاع..
لون رخوه يظل روحه ايعذلهه
ما ادري من الاول عندك اطباع..
للصحبه الصدك عمدا تملهه
مستعجل اشبيك وناوي ال وداع..
عشرتنه سنه ماتمت الهه
شفت وكتك بحر والروج خداع...
السفينه تمايلت هيه وحملهه
تعنيتك بلهفه وصرت انه اشراع..
وطبع روحي الوفه وتخلص لخلهه
اسمعت يوم الوفه بلسوك ينباع..
هاي الفركه ابدا مو محلهه
الخبر لو يوصل الشمات ينذاع..
وصورنه بساع يتغير شكلهه
ويجسمنه البشر انصاف وارباع..
وتصبح سالفه ودوم بمثلهه
ودنيانه صور اشكال وانواع ..
ذلت ناس ياصاح بفعلهه
عيد النظر كتلك صعبه الاوضاع..
جروح البينه بس احنه النشلهه
لاتبقه الكلام الناس سماع..
فكر زين روحك لاتذلهه
.............................
بقلم الدغاري
رد مع اقتباس
