الشاعر غانم الفياض
*****************
اردن ردت المغلوب...ارد مصيوب
ارد متيه اعيوني وعلى اعيوني السنين اتذوب
أنه اجم دوب
اظل انطر خيالك لو تمر بالطيف
حتى الطيف شح وشحت اطروشك علي فد نوب
ارد اتمرجح ابصبري
واحس الاّخ تلعب بالجروح الماتسد البوب
ارد اتعثر ابجدمي
واحس صبري سفينه اتبره السفان منها وكل ضلع معيوب
ارد احسب واحاسب واحجي وي روحي
روحي الماتشيل ذنوب
شيلي اذنوب ياروحي وانزعي الثوب
******
دفنته بليل
ودعته واجيت بليل
ياليل شصعب موت العزيز بليل
خنكني الليل
مثل فارس مهرته اتكسرت حدره وأجته الخيل
مثل ناهي وعمامه اتحزموا ضده
نشربه الموت لو باجر لزوم يشيل
مثل فلاح ساكي بدمه كيعانه واجاه السيل
مثل مركب يلاوي الريح وشراعه على اعناد اليريده ايميل
بجيت بروح بس ادموع ماصبيت
لان دمعي عزيز.. وتدري عالمهيوب موسهله الدموع اتسيل
تدري اشلون من عفتك كظيت الليل؟
مثل مصيوب طاح وماغسل عاره
مثل مظيوف من ينباك خطاره
مثل ردت غريب العاد بعد اسنين رد..وطردته ادياره
ومثل حزن الغروب وغربة السياب
مات وحسرته يشوف عشاره
زني اعليك.. حزن روج السواجي الماطفت ناره
وحزن شريان دمي الذلته انصاره
حزن روحي اعلى ساعه ايفوح
********************************
حزني اعليك
حزن ايمام من يغتاض من تنطرد زواره
وانه بلياك ادور عل يدليني اعلى روحي ودمعي يتجاره
انه بلياك مثل العاف دربه وتيه افكاره
تدري اشلون من عفتك وصلت اشلون؟
وصلت الديره ملفوف بحزن مهظوم
وادورمالكيت الناس
مامش ناس
واحس عكلي انشل مني
لان انته الفكر والراس
وشفت الديره مصبوغه بحزن طيره
وبيوت الرفاكه امسدده البيبان
ومامش ناس وين الناس؟
اثاريني دفنت وياك كل الناس
************************************************** *******
منقول
المصدر / اذاعة العراق الحر
بقلم الاستاذ فالح الدراجي
رد مع اقتباس
المشاركة الأصلية كتبت بواسطة كبريائي قاهرهم
