الذيب ماياكل اخوه
:::::::::::::::::::::
الغيره جانت عايشه بنص الضمير,,
اليوم شحت
والضماير تشتره,,
كلمة ابنادم شرف فوك اللسان,,
اليوم درياهه
يعمي بلا ذره,,
الصاحب بذاك الوكت يحمي كفاك,,
اصبحت بس كهكهه
وبس شوشره,,
الرجال الكبل وفاية عهود,,
ياحسافه اشكثر
صارت نادره,,
ذاكه من ذاكه الوفي بهذا الزمان,,
العشره والعفه
سوالف عابره,,
احجاية العدله اصبحت شبه الخيال,,
قله كلش
من اكول ميسره,,
ليش تعتب عالزمن والعله بيك,,
والشر الموجود
واضح مصدره,,
انته طبع البيك زاد اعل الذئاب,,
الذيب ماياكل
اخوه ويناصره,,
سهله عندك حيل من تاكل اخوك,,
الكلبه تتعنه
وبديك توذره,,
شاهد العنده الحصل اكبر دليل,,
جم بريئ
بعبوه انته تفجره,,
اليوم بالدنيه اشكثرحل الظلام,,
عكب ماجانت الدنيه
منوره,,
الدين اصبح تفرقه ومابي وئام,,
مله وحده اليوم
ليش منعثره,,
منهج الاسلام واضح للجميع ,,
اكو غير النبي
طه ياتره,,
::::::::::::::::::::::::::::::::
الدغاري